ინგლისელი ნახევარმცველი, რომელიც ერთ-ერთი წამყვანი ფიგურა იყო "ჰალთან" გამაჯვების დროს, მოხარულია გუნდის კარგი თამაშით და თანაგუნდელებს მოუწოდებს სტაბილურობისკენ:

"ეს კარგი თამაში და გამარჯვება იყო. ჩვენ ვაკონროლებდით თამაშს მთელი მატჩის განმავლობაში. იმედი მაქვს სამშაბათსაც იგივე სცენარით გავმართავთ შეხვედრას.

მიმდინარე სეზონში, ჩვენი ჩავარდნის მიზეზი ტრავმებია, რადგან მენეჯერს არ ეძლევა საშუალება სასურველი თერთმეტეული ათამაშოს. იგი ყოველ კვირას ახალ ფეხბურთელებს აყენებს, რაც თავად ჩვენთვისაც ცუდია, რადგან კომუნიკაციის ნაკლებობა გვაქვს. დიდი იმედი მაქვს ყველაფერი გამოსწორდება და მოთამაშეებიც მალე დაგვიბრუნდებიან.

ცოტა უჩვეულოა როდესაც შუა კვირაში თამაშის ნაცვლად ვარჯიში გვიწევს, თუმცა ესეც კარიერის ნაწილია და დიდი ალბათობით ესეც წაგვადგება. "ჰალთან" გამარჯვება უკვე ისტორიაა, ახლა ყველანი სამშაბათს გასამართ შეხვედრაზე ვართ კონცენტრირებულები."

მაიკლმა ასევე ჰოლანდიელ თანაგუნდელზე, რობინ ვან პერსიზე, ისაუბრა, რომელიც ამ ბოლო დროს კრიტიკის ქარ-ცეცხლშია გახვეული:

"რობინმა ფანტასტიური გოლი გაიტანა, ეს იყო ნახევარშანსი, რომლისგანაც ბევრი ვერაფერს იზავდა, მას კი საუცხოო სილამაზის გოლი გამოუვიდა.

ყოველთვის სასიამოვნოა, როდესაც შემტევები მომენტებს ქმნიან და ლაღად თამაშობენ. თუ ჩვენ ასე თამაშს გავაგრძელებთ აუცილებლად დიდ შედეგს მივიღებთ."


წყარო: manutd.com