რაიან გიგზი აცხადებს, რომ ლუი ვან გაალსა და სერ ალექს ფერგიუსონს შორის დიდი მსგავსებაა.

მიუხედავად ტრავმიანობისა და დაცვაში არსებული პრობლემებისა, ლუიმ "იუნაიტედი" გასვლაზე მოპოვებული პირველი გამარჯვების შემდეგ მე-4 ადგილზე აიყვანა.

ფერგიუსონი სახელგანთქმული იყო იმით, რომ რთული მდგომარეობიდან პოულობდა გამოსავალს და გიგზი აცხადებს, რომ ვან გაალსაც ახასიათებს მსგავსი რამ.

"ის ამას ყოველ სავარჯიშო სესიაზე ამტკიცებს."

"მას ისეთივე ინტენსიურობა სურს, როგორც თამაშის დროს."

"სერ ალექსს ძალიან ჰგავს. ის სტანდარტებს აწესებს და თუ მას ვერ აკმაყოფილებ, ბედნიერი არ არის." - განაცხადა გიგზმა.

წყარო: M.E.N.