"მანჩესტერ იუნაიტედის" მწვრთნელი, ლუი ვან გაალი აცხადებს, რომ ლუკ შოუს ტრავმით განაწყენდა, მაგრამ მის ძირითადში თამაშს გამართლებულად თვლის.

ინგლისის ნაკრებში თამაშის ჩატარების შემდეგ ლუკ შოუ მცირე დაზიანებით დაუბრუნდა კლუბს, თუმცა სამედიცინო გამოკვლევის შემდეგ ვან გაალმა გადაწყვიტა, რომ შოუ თამაშისთვის მზად იყო.

ლუკ შოუ შეხვედრის მე-15 წუთზე ყოფილ თანაგუნდელთან, ალექს ოქსლეიდ-ჩემბერლენთან შეჯახების შემდეგ დაზიანების გამო იანგით შეცვალეს.

"დარწმუნებული ვარ, სწორი გადაწყვეტილება მივიღე. ეს არის მწვრთნელის ცხოვრება, შედეგი ყოველთვის გაიძულებს დააყენო ესა თუ ის ფეხბურთელი. სხვა რამეს ვერ გავაკეთებდი, რადგან ამდენი ფეხბურთელი არ მყავს."

"შოუ სანაკრებო პაუზიდან როცა დაბრუნდა მწყობრში არ იყო, თუმცა ჩვენ ჩავაყენეთ, ახლა კი ისევ დაშავდა. შემდეგ თამაშის საშუალება იანგს მივეცი, მაგრამ ის საკმაოდ ჯანმრთელი არ არის იმისთვის, რომ 90 წუთი ითამაშოს. ეს ადრეც ვთქვი. ამის შემდეგ კი განლაგება კიდევ ერთხელ უნდა შემეცვალა."

"ვფიქრობ ფეხბურთელებმა შესანიშნავად ითამაშეს. ტაილერ ბლეკეტი, პედი მაკნეირი, ლუკ შოუ - რამდენი წლისანი არიან ისინი? როცა შენ თამაშობ ისეთი გუნდის წინააღმდეგ, როგორიც "არსენალია", რომელიც მუდამ იცვლის პოზიციებს შენ კომუნიკაციას უნდა ინარჩუნებდე. ვფიქრობ, ეს ძალიან კარგია, მაგრამ მთელი თამაშით კმაყოფილი არ ვარ."

წყარო: manutd.com