ლუი ვან გაალი "მანჩესტერ იუნაიტედის" მიერ "ემირეიტსზე" მოპოვებულ გამარჯვებაზე საუბრობს.

მიუხედავად იმისა, რომ "მეთოფეები" მატჩის უმეტეს ნაწილში დომინირებდნენ ანგარიში სწორედ "წითლებმა" გახსნეს, როცა შეხვედრის 56-ე წუთზე კირენ გიბსმა საკუთარ კარში ჩაჭრა ბურთი. შემდეგ რუნიმ უპირატესობა ორამდე გაზარდა, ხოლო ოლივიე ჟირუმ მატჩის ბოლოს ერთი გოლის გაქვითვა მაინც მოასწრო.

"ეს ფანტასტიური შედეგი იყო. ჩვენ უამრავი ტრავმირებული გვყავს და ამის მიუხედავად მაინც მოვიგეთ. გასვლით შეხვედრაში ყოველთვის რთულია. "არსენალი" ძალიან კარგი გუნდია, ძალიან შემტევი გუნდი და ეს წინასწარვე ვიცოდი."

"ამიტომაც ავირჩიე ასეთი სტრატეგია და საბოლოოდ მე ვიცინი, მაგრამ ამავდროულად უნდა წარმოიდგინოთ, რომ "არსენალს" პირველ ტაიმში 4 თუ 5 მომენტიდან ერთი მაინც რომ გაეტანა შეხვედრა სხვაგვარად წარიმართებოდა."

მიუხედავად იმისა, რომ "იუნაიტედი" ჩემპიონთა ლიგის ოთხეულში შევიდა, ვან გაალი ყოყმანობს დასკვნების გაკეთებას.

"უნდა მოვიცადოთ, რათა ვნახოთ. რა თქმა უნდა ეს პირველი გასვლითი მოგებაა, ასე რომ ფეხბურთელები გასახდელში აღელვებულნი იყვნენ, მაგრამ ეს მხოლოდ ერთი მოგებაა. ეს მომდევნო ორ თამაშში გამარჯვებით უნდა დავამტკიცოთ, რომელსაც სახლში გავმართავთ. მაშინ შევძლებთ ვთქვათ, რომ ყველაფერი რიგზეა. ჩვენ ახლა სულისკვეთება გვაქვს და ვისწრაფვით არა უფსკრულისკენ, არამედ მწვერვალისკენ."

წყარო: manutd.com