ესპანური პრესის თქმით "ბარსელონას" თავდამსხმელ ლიონელ მესის იძულებულს ხდიან, რომ ესპანეთი დატოვოს. ამ ინფორმაციას მესის დაახლოებული პირი აცხადებს, რომელსაც არ უნდა ვინაობის გამხელა

"ლიონელს საგადასახადო სამსახური მოსვენებას არ აძლევს. არგენტინელს უკვე 50 მილიონი გადაახდევინეს, თუმცა მაინც არ ეშვებიან. ჟურნალისტებს კარგად გემახსოვრებათ, ზუსტად იგივე პრობლემები ჰქონდათ იკერ კასილასს, ხაბი ალონსოსა და რაფაელ ნადალს, მაგრამ მათი ეს პრობლემა მალევე დახურეს, მესის კი თავს არ ანებებენ. თქვენც კარგად შეამჩნევთ და ამას ალბათ თვითონაც ატყობს, რომ დიდ ზეწოლას განიცდის და ასე თუ გაგრძელდა არ არის გამორიცხული, რომ დააპატიმრონ კიდეც. ეს ყველაფერი მას ყელში ამოუვიდა და მზადაა სხვა ქვეყანაში გადავიდეს სათამაშოდ".

ბრიტანული პრესა უკვე ალაპარაკდა ამ თემასთან დაკავშირებით და ლიონელ მესის უკვე რამდენიმე ინგლისურ გრანდს უკავშირებენ, მათ შორის "მანჩესტერ იუნაიტედსაც".

წყარო: www.elconfidencial.com