ალბათ ყველა "იუნაიტედის" გულშემატკივარი ეცადა, თავისთვის მისაღები და საყვარელი მოთამაშეები დაეყენებინა სასტარტო შემადგენლობაში, "არსენალთან" მატჩის წინ. ბლინდის ტრავმამდე ყველაფერი ასე თუ ისე ადვილი სავარაუდო იყო, თუმცა ახლა ალბათ ლუის ვან გაალისთვისაც არ იქნება ადვილი გამონახოს ოპტიმალური შემადგენლობა.

სიტუაცია დამძიმდა მით უფრო რომ, კერიკის თამაში კითხვის ნიშნის ქვეშ დგას და დიდი ალბათობით ინგლისელი ნახევარმცველი ვერ მოასწრებს შაბათამდე გამოჯამრთელებას. სხვების მსგავსად მეც მომინდა გამომეცნო "იუნაიტედის" სასტარტო წყობა და 3 სხვადასხვა სქემას წარმოგიდგენთ.

თავიდანვე გეტყვით სქემები შესაძლოა სიგიჟე გეგონოთ ერთი მიზეზის გამო - გადავწყვიტე უეინ რუნი საყრდენად გავამწესო. უეინი გუნდის სული და გულია. ის შრომის მოყვარეა და ყოველთვის ეხმარება მცველებს, შეტევას კი სისწრაფეს და მობილობას უმატებს, აქვს ძალიან კარგი დარტყმა და პასი. ამ ყველაფრის გათვალისწინებით რუნი იდეალური საყრდენი ნახევარმცელია.

კაპიტნის ამ პოზიციაზე დაყენებით ვიღებთ დიდ სივრცეებს შემტევთათვის, რაც ჩემი აზრით ძალიან სჭირდებათ ისეთ ფეხბურთელებს როგორებიც არიან: ანხელ დი მარია და ადნან იანუზაი.

დაცვასთან დაკავშირებით ყველაფერი გასაგებია, ითამაშებს ის ვინც მზად იქნება. ვან გაალს დიდი არჩევანი ნამდვილად არ აქვს.

სქემა 1

"არსენალი" - შემტევი გუნდია. მათ ეს უყვართ და გამოსდით. მთავარი დამრტყმელი ძალა, ახლადშეძენილი სანჩესია. აქედან შეგვიძლია გამოვიტანოთ დასკვნა- მოედნის ცენტრში აუცილებელია 2 ნახევარმცველი. ფელაინი დღესდღეობით ყველაზე კარგ ფორმაშია, კარგი იქნებოდა მისი და რუნის წყვილის ხილვა ნახევარდაცვის ცენტრში.

შეტევაში კლასიკურად: მატა ან ერერა- ათიანის პოზიციაზე, იანუზაი და დი მარია ფლანგებზე, ხოლო გამოკვეთილი ფორვარდი - რობინ ვან პერსი.



სქემა 2

მეორე ვარიანტში, საყრდენ ნახევარმცველებს არ ვცვლით, მატას ვაყენებთ საყვარელ პოზიციაზე, ანხელი მშობლიურ, მარცხენა, ფლანგზე და ერერა მარჯვნივ. ერთადერთი ფორვარდი ისევ რობინი.



სქემა 3

ამ წყობას შესაძლოა დავარქვათ - "ყველანი წინ!" და სავარაუდოდ იმ შემთხვევაში უფრო გამოყენებადია, როდესაც აგებ, დიდი იმედი მაქვს ეს არ მოხდება. მხოლოდ რუნი, მარტოდ-მარტო, საყრდენად ხოლო სხვა მოთამაშეები კი შტურმისთვის წინ იქნებიან.



დასკვნა

ნამდვილად არ მინდა ჩვენი შემტევი, გოლეადორი და მრისხანე კაპიტანი ასე დავაშორო მეტოქის კარს, თუმცა უიღბლობამ, რომელიც თავს დაატყდა "წითელ ეშმაკებს" მაიძულა ასეთი შემადგენლობა წარმომედგინა.


წყარო: carrick.ru