ლუი ვან გაალი მატს ჰუმელსის შეძენას იანვარში ეცდება. ტრანსფერის განხორციელების შემთხვევაში გერმანელი მცველი მსოფლიოს ყველაზე ძვირადღირებულ მცველად გადაიქცევა.

"მანჩესტერ იუნაიტედი" ჰუმელსის შეძენას ზაფხულშიც ცდილობდა, მაგრამ ტრანსფერი არ შედგა. ედ ვუდვორდს კი ზამთარში მიეცემა კიდევ ერთი შანსი გერმანელის შესაძენად.

თავად დორტმუნდულ გუნდს კაპიტანთან განშორების არავითარი სურვილი არ აქვს, მაგრამ მატსს მხოლოდ ორი წელი აკავშირებს გერმანულ კლუბთან მოქმედი კონტრაქტის მიხედვით და "ბორუსია" იმედოვნებს, რომ მიმდინარე წლის ზამთარში ჰუმელსში სოლიდურ თანხას აიღებს.

ჰუმელსის მიერ გუნდის დატოვებას შესაძლოა იმანაც შეუწყოს ხელი, რომ დორტმუნდული კლუბი მიმდინარე სეზონში ბუნდეს ლიგაში არც თუ სახარბიელო შედეგს აჩვენებს - "ბორუსიას" მხოლოდ 10 ქულა აქვს.

თუმცა "ეშმაკები" არ არიან ერთადერთი გუნდი, რომელიც გერმანელი მცველით ინტერესდება. "იუნაიტედს" კონკურენციას "არსენალი" გაუწევს, რომლის მიმართ მატსს მისივე თქმით გარკვეული სიმპათიები აქვს, თუმცა ჰუმელსი არც "ბარსელონას" მიმართ არის გულგრილი.

წყარო: theguardian