"მანჩესტერ იუნაიტედის" ესპანელმა მეკარემ, დავიდ დე ხეამ განაცხადა, რომ თავის კლუბში ბედნიერია.

ბოლო პერიოდში პრესაში აქტიურად იწერება ინფორმაცია იმის შესახებ, რომ მადრიდის "რეალი" დე ხეათი ინტერესდება.

ესპანური გრანდი დე ხეას სახით იკერ კასილასის შემცვლელის პოვნას გეგმავს და დავიდის ტრანსფერს იმდენად სერიოზულად მიუდგა, რომ ბეილის გაყიდვასაც კი თანხმდება.

თუმცა თავად დე ხეა აცხადებს, რომ "იუნაიტედში" ყოფნით ბედნიერია და "რეალის" მხრიდან ინტერესის შესახებ არაფერი იცის.

"რთულია იმის თქმა, ნამდვილად ინტერესდება თუ არა "რეალი" ჩემით თუ ეს მხოლოდ ჭორებია, რაც საკმარისად ვრცელდება."

"იუნაიტედში" თავს შესანიშნავად ვგრძნობ. თუ ყველაფერს დაუჯერებთ, რასაც თქვენზე წერენ, შეგიძლიათ იფიქროთ, რომ ათასობით კლუბი გამოიცვალეთ."

"საუკეთესო რამ, რისი გაკეთებაც შეგიძლიათ - ეს ბეჯითად მუშაობაა იქ, სადაც იმყოფებით. ვგრძნობ, რომ "იუნაიტედში" ხალხს ძალიან ვუყვარვარ და მაფასებენ." - განაცხადა დე ხეამ.

წყარო: redevils.ru