"მანჩესტერ იუნაიტედის" ტრავმირებულ ფეხბურთელთა სიას დეილი ბლინდიც შეემატა, რომელიც მინიმუმ ერთ თვეს გამოტოვებს.

ევრო 2016-ს შესარჩევ მატჩში, რომელიც ჰოლანდიამ ლატვიის ნაკრებს 6-0 მოუგო ბლინდმა შეხვედრის მეოცე წუთზე მუხლის ტრავმა მიიღო და მატჩის გაგრძელება ვერ მოახერხა.

24 წლის ფეხბურთელმა მოედანი ექიმების დახმარებით თავისი ფეხით დატოვა, თუმცა მატჩის შემდგომ ჰოლანდიის ნაკრების მწვრთნელმა, გუუს ჰიდინკმა განაცხადა:

"კარგი არაფერია. მას ან გაჭიმული აქვს, ან საერთოდ გაწყვეტილი."

პირველადი შეფასება ოპტიმიზმის საფუძველს არ ტოვებს. მოსალოდნელია, რომ ბლინდი 4-დან 6 კვირამდე იუქმებს, თუმცა ყველაფერი მხოლოდ მაშინ გახდება ცნობილი, როცა ორშაბათს კლუბის სამედიცინო შტაბი ბლინდს გამოკვლევას ჩაუტარებს.

თავად ბლინდმა მატჩის შემდგომ განაცხადა: "ამაყი ვარ იმით, რომ ნაკრებში 25 შეხვედრა ჩავატარე, მაგრამ ტრავმის გამო იმედიგაცრუებული ვარ... იმედი მაქვს ყველაფერი რიგზე იქნება."

წყარო: telegraph