"მანჩესტერ იუნაიტედმა" "რეალს" გარეტ ბეილის შეძენის თაობაზე მიმართა, თუმცა მადრიდული კლუბი მოლაპარაკებაში დავიდ დე ხეას ჩართვას ითხოვს. მხოლოდ ასე შეიძენს "იუნაიტედი" მსოფლიოს ყველაზე ძვირადღიდებულ ფეხბურთელს.

ვან გაალი იმედოვნებს, რომ ბეილის დათანხმებას მომდევნო წელს ჩემპიონთა ლიგაზე თამაშის საშუალების გარანტიით შეძლებს.

ესპანური პრესა კი იტყობინება, რომ "რეალი" მზადაა ბეილს "ბერნაბეუს" დატოვების უფლება მისცეს და პრემიერ ლიგის რომელიმე გრანდში გაყიდოს.

ბეილს აკვირდება "ჩელსიც" და "სიტიც", თუმცა მათ არ აქვთ ისეთი კოზირი, როგორიც დავიდ დე ხეა - "რეალის" ერთ-ერთი მთავარი სამიზნეა.

ესპანური მხარე 24 წლის მეკარის შეძენით იკერ კასილასის შემცვლელის პოვნას გეგმავს.

წყარო: M.E.N.