ლუი ვან გაალი "არსენალთან" მატჩში ტრავმამოშუშებულ ფეხბურთელებს სასტარტო თერთმეტეულში არ გაამწესებს.

ცენტრალური მცველი, მარკოს როხო მხრის ტრავმის გამო მანჩესტერული დერბის შემდეგ უქმობს.

ფილ ჯონსმა მიმდინარე სეზონში მხოლოდ 4 შეხვედრა ჩაატარა, რომელთაგან უკანასკნელში, "ვესტ ბროვიჩის" წინააღმდეგ დაშავდა.

ჯონი ევანსმა სექტემბრის შემდეგ 3 შეხვედრა გამოტოვა და როგორც მოსალოდნელია "არსენალთან" მატჩისთვის მზად იქნება.

იჯარით აყვანილი რადამელ ფალკაო, რომელიც მიმდინარე სეზონში მხოლოდ სამჯერ გამოჩნდა ძირითად შემადგენლობაში და ორჯერ სათადარიგოზე "ჩელსისთან" მატჩის წინ დაშავდა და მას შემდეგ არ მიუღია მონაწილეობა "იუნაიტედის" მატჩებში.

მარჯვენა მცველს, რაფაელს კი კუნთის ტრავმა აწუხებდა, რის გამოც "სიტისთან" და "კრისტალ პალასთან" მატჩები გამოტოვა.

თუმცა ვან გაალი არ აპირებს რომელიმე ამ ფეხბურთელთაგანი "არსენალთან" მატჩში სასტარტო შემადგენლობაში დააყენოს.

"არა, ამას არ ვაპირებ, რადგან მათ უკვე ხუთი, ექვსი, შვიდი კვირის განმავლობაში არ უთამაშიათ."

"ისინი სათადარიგოთა სკამზე უნდა დაჯდნენ, რადგან მხოლოდ 20 წუთის თამაში შეუძლიათ, მაგრამ არ დავაყენებ ისეთ ფეხბურთელებს, რომლებიც 100%-ით მზად არ არიან სათამაშოდ."

"ნახეთ რაც მოუვიდა პედი მაკნეირს ("კრისტალ პალასთან კრუნჩხვები ჰქონდა), რადგანაც პრემიერ ლიგის მატჩების რიტმი ძალიან მაღალია." - განაცხადა ვან გაალმა.

წყარო: M.E.N.