ხუან მატას მიაჩნია, რომ "კრისტალ პალასის" წინააღმდეგ გატანილი გოლი მისი კარიერის ერთ-ერთი ყველაზე მნიშვნელოვანი გოლია.

"ალბათ, ეს ჩემი ერთ-ერთი ყველაზე მნიშვნელოვანი გოლი იყო. ძალიან რთული შეხვედრა გამოდგა. ჩვენ სამი ქულა გვჭირდებოდა და მოხარული ვარ, რომ მისი აღება მოვახერხეთ, რადგან გულშემატკივარი სწორედ ამას იმსახურებს."

"როცა შეცვლაზე შემოდიხარ შენი უმთავრესი მიზანი თამაშში ცვლილების შეტანაა და გონებაში მხოლოდ ეს მიტრიალებდა, როცა ვხურდებოდი. საბედნიეროდ მოვახერხე კიდეც."

"რთული მატჩი გამოდგა. პოზიციას ვინარჩუნებდით, მაგრამ მომენტებს ვერ ვქმნიდით, მათ კი პირველ ტაიმში შესანიშნავი შანსი მიეცათ. ბედნიერები ვართ, რომ გამარჯვების მოპოვება შევძელით."

"თუ კი კარს "მშრალად" შეინახავ, მოგება უფრო ადვილი ხდება და ეს სწორედ ჩვენი კარგი დაცვის შედეგია. იმედი მაქვს, საერთაშორისო შესვენების შემდეგ რამდენიმე მცველი დაგვიბრუნდება. რთულია, როცა სანაკებო პაუზის წინ მოგებას ვერ ახერხებ, მაგრამ საბედნიეროდ ეს შევძელით. ახლა დასვენებას და "არსენალისთვის" მომზადებას შევძლებთ."

წყარო: Manutd.com