"მანჩესტერ იუნაიტედის" სამწვრთნელო შტაბი მარკოს როხოს საფუძვლიან გამოკვლევებს ელოდებოდა, რათა ფეხბურთელის გამოჯანმრთელების ხანგრძლივობა დაედგინა.

მარკოს როხო ლაზარეთში სამ თვეს გაატარებს.


როხომ მანჩესტერული დერბის მეორე ტაიმში მხარი დაიზიანა, რის გამოც მას მოედანზე ხანგრძლივი სამედიცინო დახმარება აღმოუჩინეს, თუმცა მისი საკაცით გაყვანა გახდა აუცილებელი.

მიუხედავად იმისა, რომ გუშინ როხომ თვითონ უარყო ტრავმის შესახებ გავრცელებული ინფორმაცია, "იუნაიტედის" ექიმებმა მას გამოჯანმრთელების გრძელვადიანი კურსი დაუნიშნეს.

The Independent - ის ცნობით, ექიმებმა 24 წლის მცველს მხრის ამოვარდნა დაუდგინეს.

წინასწარი ცნობით, როხოს გამოჯანმრთელებას შესაძლოა 3 თვე მაინც დასჭირდეს, მაგრამ 6 კვირა აუცილებლად დასჭირდება. ეს დანაკარგი დიდი დარტყმა იქნება ლუი ვან გაალის გუნდისთვის, რომელიც ისედაც დიდ დანაკლისს განიცდის დაცვაში.

წყარო: fapl.ru