dailystar-ისა და dailymail-ის ინფორმაციით "მანჩესტერ იუნაიტედის" მთავარი მწვრთნელი ლუი ვან გაალი პორტუგალიელი ვინგერის, ლუიშ ნანის დაბრუნებას ზამთრისთვის გეგმავს. შეგახსენებთ, რომ ნანი იჯარის წესით "სპორტინგში" თამაშობს.

ნანი კარგ ფორმაშია და "სპორტინგის" თვის საუკეთესო ფეხბურთელადაც დასახელდა. ვან გაალი ნამდვილად არ მოელოდა პორტუგალიელის ასეთ ათამაშებას და მოხიბლულია მისი სტატისტიკით.

წყაროს თანახმად, ჰოლანდიელი მწვრთნელი მზადაა ნანი ზამთარშივე დააბრუნოს, თუ ის ასე გააგრძელებს.

თვითონ ნანი კი ამბობს, რომ ბედნიერი იქნება "იუნაიტედში" დაბრუნებით, თუმცა თუ იქ მისი ადგილი აღარ იქნება, სხვა გამოსავალს მოძებნის.

"ბოლო ორი სეზონი "იუნაიტედში" ძალიან რთულად გადავიტანე. ბევრი ტრავმა მქონდა და რა თქმა უნდა დამწუხრებული ვიყავი. "მანჩესტერი" ჩემს მეორე სახლად მიმაჩნია და რა თქმა უნდა ბედნიერი ვიქნები იქ დაბრუნებით, თუმცა სხვა ვარიანტებსაც განვიხილავ." - განაცხადა პორტუგალიელმა.

"მანჩესტერ იუნაიტედის" არგენტინელი ახალწვეული მარკოს როხო კი ადასტურებს, რომ ვან გაალი ნანის რეგურალურად ადევნებს თვალს.

აქვე საინტერესო სტატისტიკა.

ბოლო ორი სეზონი "მანჩესტერში": 44 თამაში, 4 გოლი და 5 საგოლე გადაცემა.
11 თამაში "სპორტინგში": 5 გოლი და 4 საგოლე გადაცემა.



წყარო: Dailystar.co.uk