25-10-2014, 14:23

ავტორი: RojoDiablo,

ნანახია: 2694,

კომენტარები: 11

"მანჩესტერ იუნაიტედი" - "ჩელსი" (პრევიუ)

ხვალინდელი მატჩის პრევიუ

"მანჩესტერ იუნაიტედი" - "ჩელსი" (პრევიუ)

სტადიონი: "ოლდ ტრაფორდი", მანჩესტერი
მონაცემი: ინგლისის პრემიერ ლიგა, მე-9 ტური
თარიღი: კვირა, 26 ოქტომბერი, 2014 წელი
მთავარი მსაჯი: ფილ დაუდი
მატჩის დასაწყისი: 19:00, (ჩვენი დროით)

"მანჩესტერ იუნაიტედი"

ტრავმირებულები: ევანსი, ლინგარდი, ვალენსია, მაკნეირი.
დისკვალიფიკაცია: რუნი (1 მატჩი)
კითხვისნიშნისქვეშ: დი მარია
განაცხადი: Amos, De Gea, Johnstone, Lindegaard, Blackett, Blind, Jones, Rafael, Rojo, Shaw, Smalling, Vermijl, Anderson, Di Maria, Fellaini, Fletcher, Herrera, James, Januzaj, Mata, Young, Falcao, W Keane, Van Persie, Wilson.

დისკვალიფიკაციის გამო მატჩს "იუნაიტედის" კაპიტანი, უეინ რუნი გამოტოვებს. ანხელ დი მარია კი ბარძაყის დაზიანების შემდეგ გამოჯანმრთელებას მოასწრებს და "ჩელსის" წინააღმდეგ ითამაშებს. მიმდინარე სეზონში სასტარტო შემადგენლობაში გამოჩენის შანსი პირველად აქვს მაიკლ კერიკს.

"ჩელსი"

ტრავმირებულები: მიკელი, რემი.
დისკვალიფიკაცია: ასპილიკუეტა (3 მატჩი)
კითხვისნიშნისქვეშ: კოშტა, რამირესი, შურლე.
განაცხადი: Courtois, Cech, Ivanovic, Luis, Fabregas, Zouma, Ake, Oscar, Hazard, Drogba, Mikel, Salah, Matic, Willian, Cahill, Terry, Christensen, Boga, Baker, Schwarzer, Solanke..

კითხვის ნიშნის ქვეშ დგას "ჩელსის" ფორვარდის, დეიგო კოშტას თამაში, რომელიც ჯერ კიდევ აგრძელებს გამოჯანმრთელებას. შესაძლოა შემადგენლობაში დაბრუნდნენ რამირესი და მიკელი, ხოლო ასპილიკუეტა სამ მატჩს გამოტოვებს "კრისტალ პალასთან" მიღებული წითელი ბარათის გამო.

"მანჩესტერ იუნაიტედი"

მე-6 ადგილი, 12 ქულა

ბოლო ექვსი შეხვედრა: ფ-მ-წ-მ-მ-ფ

"მანჩესტერ იუნაიტედმა" "ოლდ ტრაფორდზე" ზედიზედ სამი გამარჯვება მოიპოვა.

მიმდინარე სეზონის 8 ტურის შემდეგ "იუნაიტედს" ერთი ქულით მეტი აქვს მოპოვებული, ვიდრე შარშან დევიდ მოიესის ხელმძღვანელობის ქვეშ ჰქონდა.

ყველა ტურნირზე ჩატარებულ 9 შეხვედრაში ლუი ვან გაალის შეგირდებმა მხოლოდ ორჯერ მოახერხეს კარის "მშრალად" შენახვა - "ქპრ"-სა და "ბარნლისთან".

2014 წელს "იუნაიტედს" პრემიერ-ლიგის არც ერთ 11 შეხვედრაში არ მოუპოვებია გამარჯვება, რომლის პირველი ტაიმიც დათმო - 3 ფრე, 8 მარცხი.

"ჩელსი"

1 ადგილი, 22 ქულა

ბოლო ექვსი შეხვედრა: მ-მ-ფ-მ-მ-მ

"ჩელსი" პრემიერ ლიგის მიმდინარე გათამაშებაში ერთადერთი გუნდია, რომელსაც მარცხის სიმწვავე არ უგემია. მოურინიოს შეგირდებმა მხოლოდ 2 ქულა დაკარგეს.

მოურინიოს გუნდი პრემიერ ლიგის უკანასკნელ 11 შეხვედრაში არც ერთხელ არ დამარცხებულა - 9 მოგება, 2 ფრე.

"ლურჯებს" პრემიერ ლიგის 7 გასვლით შეხვედრაში არც ერთი მარცხი არ განუცდიათ - 6 მოგება, 1 ფრე.

"ჩელსი" მიმდინარე სეზონში თითოეულ შეხვედრაში იტანს გოლს. მიმდინარე სეზონის 8 შეხვედრიდან 7 მატჩში ლონდონელებმა მოწინააღმდეს 2 ან მეტი გოლი გაუტანეს.

მოთამაშეების შესახებ ცნობები და პოტენციური რეკორდები

"მანჩესტერ იუნაიტედი"

წამყვანი ბომბარდირები: რუნი, დი მარია - 3-3 გოლი.

"იუნაიტედის" კიდევ ერთი "მშრალი" მატჩი დავიდ დე ხეასთვის 50-ე უგოლო მატჩი იქნება.

"იუნაიტედის" რიგებში ჩატარებულ 5 შეხვედრაში ანხელ დი მარიამ 4 საგოლე გადაცემის გაკეთება მოასწრო. 2014 წელს მან 18 საგოლე გადაცემა გააკეთა, რაც ოთხით აღემატება ევროპის წამყვანი ჩემპიონატის ფეხბურთელთა შედეგებს.

რობინ ვან პერსის "ჩელსის" კარში 6 გოლი აქვს გატანილი, მაგრამ თითოეული მათგანი "სტემფორდ ბრიჯზე".

"მანჩესტერ იუნაიტედმა" პრემიერ-ლიგის მიმდინარე გათამაშებაში 30 სხვადასხვა ფეხბურთელი გამოიყენა - ეს ნებისმიერი სხვა გუნდის შედეგს აღემატება.

"ჩელსი"

წამყვანი ბომბარდირები: კოშტა - 9 გოლი.

პრემიერ-ლიგის ეგიდით გამართულ 8 შეხვედრაში სესკ ფაბრეგასმა 8 გოლში მიიღო მონაწილეობა - 1 გოლი, 7 საგოლე გადაცემა.

თუ კი ჯონ ტერი ითამაშებს, იგი პრემიერ ლიგაში 430-ე შეხვედრას ჩაატარებს და ფრენკ ლამპარდს გადაასწრებს.

"ჩელსის" სასტარტო შემადგენლობაში მხოლოდ 14 სხვადასხვა ფეხბურთელს აქვს თამაში დაწყებული - ეს ყველაზე დაბალი მაჩვენებელია.

ურთიერთშეხვედრები

გუნდები ერთმანეთს ყველა ტურნირის ეგიდით 170-ჯერ შეხვდნენ. "იუნაიტედმა" 72-ჯერ იზეიმა გამარჯვება, "ჩელსიმ" 48-ჯერ, ხოლო 50 შეხვედრა ფრედ დასრულდა.

"ჩელსის" წინააღმდეგ პრემიერ ლიგაში ჩატარებულ უკანასკნელ 22 შეხვედრაში "იუნაიტედმა" მხოლოდ 6-ჯერ იმარჯვა.

"ჩელსი" "მანჩესტერ იუნაიტედის" წინააღმდეგ ჩატარებულ უკანასკნელ სამ შეხვედრაში არც ერთხელ არ დამარცხებულა და მხოლოდ 1 გოლი გაუშვა.

პრემიერ ლიგის ეგიდით "ოლდ ტრაფორდზე" გამართულ უკანასკნელ ორ შეხვედრაში "ჩელსის" არც ერთი გოლი არ გაუშვია. "ოცნების თეატრზე" "ჩელსის" "მშრალი" სერია 1968 წლიდან 1972 წლამდე კიდევ ერთხელ გაგრძელდა და მაშინ "ლურჯებს" ზედიზედ 5 თამაშში არ ჰქონდათ გოლი მიღებული.

"ჩელსი" პრემიერ ლიგის ერთადერთი გუნდია, რომელსაც "მანჩესტერ იუნაიტედთან" დადებითი შედეგი აქვს - 15 მოგება და 13 მარცხი.

"ჩელსისა" და "იუნაიტედის" უკანასკნელი სამი შეხვედრიდან ორში "იუნაიტედის" ფეხბურთელებს მსაჯი წითელ ბარათს უჩვენებდა.

სახლში და გასვლაზე

"ჩელსის" სტადიონი

ლიგა: "იუნაიტედი" - 59 მოგება, "ჩელსი" - 42 მოგება, ფრე -43.
პრემიერ-ლიგა: "იუნაიტედი" - 13 მოგება, "ჩელსი" - 15 მოგება, ფრე -16.

"იუნაიტედის" სტადიონი

ლიგა: "იუნაიტედი" - 29 მოგება, "ჩელსი" - 19 მოგება, ფრე - 24.
პრემიერ-ლიგა: "იუნაიტედი" - 8 მოგება, "ჩელსი" - 6 მოგება, ფრე - 8.