,,მანჩესტერული'' კარიერა ერერასათვის ბრწყინვალედ დაიწყო და ახლა ის გუნდის ერთ–ერთ მთავარ ფიგურად ითვლება.

მაშინ, როდესაც შეტევის წინა ხაზის მთავარი მოქმედი პირები ფალკაო და დი მარია არიან, ანდერ ერერა და დეილი ბლინდი თავიანთ საქმეს ნახევარდაცვაში შესანიშნავად ართმევენ თავს.

რამდენიმე წლის წინ ,,იუნაიტედი'' მსოფლიოს საუკეთესო ნახევარმცველებს გამოეთხოვა, კლუბში ახალი ნახევარმცველების ეპოქა დაიწყო. პოლ სქოულზმა კარიერა დაასრულა, მაგრამ მალე ის კვლავ დაბრუნდა გუნდში, რაც იმას მიუთითებდა რომ მისი შემცველი ჯერ კიდევ არ იყო ნაპოვნი.



2011/12 წლების სეზონი კერიქისათვის წარმატებული გამოდგა. გავიხსენოთ, რომ მას გულშემატკივრებმა ახალი 'ჩანტიც მიუძღვნეს და იგი სქოულზს შეადრეს. რა თქმა უნდა ეს გაზვიადებაა, მართლაც ძნელად წარმოსადგენია რომ კერიქი ლეგენდარული სქოულზის დონის მოთამაშეა.

კერიქის ძლიერი მხარეები ზუსტ მოკლე გადაცემებსა და პოზიციების ზუსტ შერჩევაშია. მომენტების შექმნა და გოლების გატანა მას არც ისე კარგად გამოსდის, როგორც ამას სქოულზი აკეთებდა.

მაგრამ ამას ვერ ვიტყვით ერერასთან მიმართებაში, ესპანელმა 4 თამაშში 2 გოლი გაიტანა და 1 საგოლე გადაცემაც გააკეთა.

არა ერთი ბურთი პოლ სქოულზს შორი დისტანციიდან აქვს გატანალი. ჯერჯერობით ძნელია იმაზე საუბარი, რომ ერერა ამ კომპონენტში კარგად გამოიყურება, მაგრამ საგოლე მომენტების შექმნაში კი შეიძლება კიდეც სჯობნის სქოულზს.

თავი სათამაშო მანერით, ის არამარტო პოლ სქოულზს, არამედ ბრაიან რობსონსაც წააგავს. სქოულზს ხშირად აკრიტიკებდნენ დაცვაში ცუდი თამაშის გამო, რობსონი კი უბურთოდაც ირჯებოდა და შეტევაშიც კარგად გამოიყურებოდა.



უნდა ითქვას, რომ პოლ სქოულზი მეტი იყო ვიდრე უბრალო ფეხბურთელი. ის ,,იუნაიტედის'' უდიდესი ნაწილია, რომელმაც განვითარების ყველა სტადია გაიარა იმისთვის, რათა მსოფლიოს საუკეთესოთა შორის მოხვედრილიყო.

ერერა მართალია სქოულზის გზისგან შორსაა, მაგრამ მისი მონაცემები გვაძლევს იმის თქმის საშუალებას, რომ უახლოს დროში მას მსოფლიოს წამყვან ნახევარმცველთა შორის მოხვედრა შეუძლია. თუ ის ამ ტემპით გააგრძელებს წინსვლას, მაშინ ის ამ დონეს მალე მიაღწევს.

წყარო: Carrick.ru