"მანჩესტერ იუნაიტედის" მთავარმა მწვრთნელმა, ლუი ვან გაალმა განაცხადა, რომ "ევერტონის" წინააღმდეგ პედი მაკნეირი და ხუან მატა შენადგენლობაში იქნებიან.

ესპანელი ნახევარცმველი, ხუან მატა დისკვალიფიკაციის გამო ვერ მოთამაშე უეინ რუნის "ათიანის" პოზიციაზე ჩაანაცვლებს, ხოლო პედი მაკნეირი, რომელმაც სასიამოვნო შთაბეჭდილება დატოვა "ვესტ ჰემთან" მატჩში, ფილ ჯონსის ნაცვლად ითამაშებს.

"ხუანი კარგად თამაშობს თავის პოზიციაზე. არჩევანის გაკეთება მომიწევს. უეინი დამაკლდება, რადგან ის გუნდის კაპიტანია, მაგრამ მატასაც მშვენივრად შეუძლია თამაში."

"ჯერ კიდევ სამი ტრავმირებული ცენტრალური მცველი გვყავს, ასე რომ, მაკნეირმა უნდა ითამაშოს. ის ერთადერთი მარჯვენა ფეხით მოთამაშე ფეხბურთელია, რომელიც ჯანმრთელია. წინა კვირას არჩვენი მასზე შევაჩერე და შესანიშნავად გამოიყურებოდა. მისი კალიბრის ფეხბურთელისთვის რთულია ასეთ დონეზე თამაში - ეს მისი ურთულესი გამოცდა იქნება."

"ჩვენ რვა ტრავმირებული და ერთი დისკვალიფიცირებული გვყავს, ასე რომ, 9 ფეხბურთელია ხელმიუწვდომელი. ამის ახსნა რთულია. შენ შეიძლება ჯანმრთელი იყო, მაგრამ ფორმაში არ იყო - ეს დიდი სხვაობაა. მაგალითად, ანდერ ერერა ფორმაშია, მაგრამ ნეკნის ტრავმის გამო ვერ თამაშობს. მარუან ფელაინი მთელი კვირის განმავლობაში ვარჯიშობდა, მაგრამ 90 წუთი სათამაშოდ მზად არ არის." - განაცხადა ვან გაალმა წინა სამატჩო პრეს-კონფერენციაზე.

წყარო: manutd.com