მადრიდის "რეალის" პორტუგალიელი ვარსკვლავის, კრიშტიანუ რონალდუს პრემეირ-ლიგაში დასაბრუნებლად 140 მლნ. ფუნტი იქნება საჭირო, რადგან "მანჩესტერ იუნაიტედის" ყოფილი ფეხბურთელის აგენტის თქმით, მისი კლიენტი გასაოცარ ხელფასს, წელიწადში 20 მლნ. ფუნტს ითხოვს.

გავრცელდა ინფორმაცია, რომ რონალდუ მადრიდში ბედნიერი არ არის და მსოფლიოს საუკეთესო ფეხბურთელის შეძენა არც ლუი ვან გაალს გამოურიცხავს.

ნებისმიერ კლუბს, რომელიც რონალდუს შეძენას შეეცდება მოუწევს დიდძალი თანხა გაიღოს.

თუმცა პრემიერ-ლიგის წარმომადგენელის განცხადებით: "ამ ციფრებზე მოლაპარაკებების გამართვა არ ღირს"

მიუხედავად იმისა, რომ რონალდუ "რეალში" დიდ წარმატებას აღწევს - მის ანგარიშზე უკვე 264 გოლია - არ არის გამორიცხული, რომ მან ზაფხულში კლუბი შეიცვალოს.

წყარო: dailymail