პორტუგალიური პრესის თანახმად "მანჩესტერ იუნაიტედის" ვინგერი ნანი, რომელიც იჯარით "სპორტინგში" გადავიდა ავარიაში მოყვა.

როგორც პრესა იტყობინება ნანი მანქანით გაჩერებული იყო და თავის ცოლს და ბავშვს ელოდებოდა, როცა მოპირდაპირე მხარეს მყოფი მანქანა მის მანქანას შეეჯახა, რის შემდეგაც ლუიშის მანქანაში აირბაგიც გაიხსნა.

ავარიის შედეგად პორტუგალიელს რამოდენიმე დაზიანება აღმოაჩნდა. თვითონ ნანის არ სურდა საავადმყოფოში წასვლა, თუმცა ექიმებმა ეს იმ სიტუაციაში საჭიროდ ჩათვალეს.

"სპორტინგის" ხელმძღვანელობა იმედოვნებს, რომ ნანი "პორტუსთან" მატჩამდე მოახერხებს ბოლომდე გამოჯანმრთელებას.

შეგახსენებთ, რომ ნანიმ "სპორტინგში" უკვე 5 მატჩი ითამაშა და აქტივში 2 გოლი და 2 საგოლე გადაცემა ჩაიწერა. ნანიმ ჩემპიონთა ლიგაზე "მარიბორისთვისაც" შეძლო გოლის გატანა, სადაც მისმა გუნდმა სლოვენიაში მატჩი ფრედ დაამთავრა.



წყარო: Sporting.pt