Serie A-ს კლუბები, "იუვენტუსი" და "ფიორენტინა" მზად არიან "მანჩესტერ იუნაიტედის" ბელგიელი ნახევარმცველი, ადნან იანუზაი იანვრის სატრანსფერო ფანჯრის გახსნის შემდეგ იჯარის წესით გადაიბირონ - იტყობინება Metro.

ახალგაზრდა ბელგიელის მომავალი "ოლდ ტრაფორდზე" ეჭვქვეშ დადგა, მას შემდეგ რაც კლუბში ახალწვეულები მოვიდნენ. ამის დასტური წინა კვირაში "იუნაიტედის" რეზერვებში ადნანის დაყენებაც გახდა, რომელშიც მან ჰეთ-ტრიკი გაიფორმა.

ტაბლოიდის ცნობით, იტალიური კლუბები მზად არიან ადნანს რეგულარული სათამაშო დრო შესთავაზონ, რასაც იანუზაი ვან გაალის ხელმძღვანელობის ქვეშ მოკლებულია.

წყარო: mirror