ტრავმები
"გამიხარდა, რომ მკითხეთ. ლაზარეთში ექვსი ტრავმირებული დარჩა. ამჯერად კრის სმოლინგი დაგვიბრუნდა".

წინა მატჩი
"რა თქმა უნდა შედეგი მშვენიერი იყო. გარდა შედეგისა, ვფიქრობ ფანებმა ჩვენი თამაშის ხარისხით ძალიან ისიამოვნეს".

კვირის ჭორი - კრისტიანო რონალდოს დაბრუნება
"გაზეთებში ამ თემას ბოლო პერიოდში ხშირად განიხილავენ, მაგრამ არამგონია მედიამ რონალდო იყიდოს. ეს "იუნაიტედმა" უნდა გააკეთოს. არც ის მგონია, რომ "რეალმა" მისი გაყიდვა გადაწყვიტოს".

კომენტარი იანუზაის ჰეთ-თრიკზე (21-წლამდელთა მატში)
"იანუზაის ამის გაკეთება პირველ გუნდში, ძლიერ ფეხბურთელებთან მოუწევს. არ შემიძლია ძირითადში 15 მოთამაშის ჩასმა, 11 კაციან სისტემაში კი მას საკმაოდ ძლიერ ფეხბურთელებთან მოუწევს კონკურენცია. როცა 4-3-3 სისტემით ვთამაშობთ, მას შეიძლება უფრო მეტი შანსი მიეცეს. ეს ბუნებრივია, ყველაფერი სათამაშო სისტემაზეა დამოკიდებული. მე შევცვალე ტაქტიკა, მას კი შანსი მიეცა".

შეუძლიათ თუ არა ვან პერსის და ფალკაოს ერთად თამაში?
"არ ვფიქრობ, რომ ვან პერსიმ რაიმეში ხელი შეუშალა ფალკაოს ან პირიქით, ფალკაომ შეუშალა ხელი რობინს. რადამელი შესანიშნავი ფეხბურთელია, ეს წინა პრესკონფერენციაზეც ვთქვი. რობინიც ძალიან მომწონს, ისიც მშვენიერი თავდამსხმელია. ასევე, ჩვენ უეინ რუნი და ადნან იანუზაი გვყავს, ჯეიმს ვილსონიც. თავდასხმაში ხუთი ფეხბურთელი გვყავს და არჩევანის გაკეთება მომიწევს".

შეცვლილი ტაქტიკა
"წინა მატჩში ტაქტიკა შევცვალე, მაგრამ შემიძლია ეს კიდევ გავაკეთო. პრობლემა გადაწყვეტილი ჯერ არ არის. ასეთი მომენტი "აიაქსშიც" მქონდა. ამ კლუბში 4-3-3-ით თამაში კანონად იყო ქცეული, მაგრამ 4-4-2 ვამჯობინე, რადგან ვფიქრობდი, გუნდს ეს წყობა უფრო მოუხდებოდა. ეს 1998 წელს მოხდა, დიდი ხნის წინ".

წყარო: manutd.com