მიუნხენის "ბაიერნის" მთავარმა მწვრთნელმა, ხოსეპ გვარდიოლამ დაადასტურა, რომ "მანჩესტერ იუნაიტედი" ნამდვილად ცდილობდა მისი კლუბის ვარსკვლავების შეძენას.

ზაფხულის სატრანსფერო ფანჯარაზე "მანჩესტერ იუნაიტედს" ჭორების თანახმად ბასტიან შვაინშტაიგერის, ტონი კროოსის, ტომას მიულერისა და არიენ რობენის ყიდვა სურდა, თუმცა გვარდიოლა ამტკიცებს, რომ "იუნაიტედს" საკმარისი ფული არ აღმოაჩნდა მათ შესაძენად.

"მათ საკმარისი ფული არ აქვთ "ბაიერნის" ფეხბურთელების შესაძენად. დავინახე, რომ მათ დიდი თანხა დახარჯეს და ეს ჩემი მეგობრისთვის, ლუისთვის ძალიან კარგია. ეს თამაშის ნაწილია. მსოფლიოს თითოეულ კლუბს სურს სხვა კლუბის ფეხბურთელის დამატება, მაგრამ ეს მოთამაშის სურვილზეა დამოკიდებული."

"თუ მოთამაშეს თამაში სურს ის ითამაშებს, თუ დარჩენა სურს, ის დარჩება. "მანჩესტერს" ჩვენი ფეხბურთელები სურდა, მაგრამ მათ დარჩენა მოინდომეს." - განაცხადა გვარდიოლამ.

ესპანელმა "იუნაიტედის" თავს გადახდენილი შარშანდელი იმედგაცრუება დიდი კლუბების მისამართით გაფრთხილებად გამოიყენა.

"ეს დიდი კლუბებისთვის კარგი გაკვეთილია. ისინი ფიქრობენ: "ჩვენ დაუმარცხებლები და ძლიერები ვართ". ერთ დღეს კი შესაძლოა ისინი აქ (ჩემპიონთა ლიგაზე) არ იყვნენ და ისინი უკვე არ არიან აქ."

"სწორედ ეს ალამაზებს ფეხბურთს. ყოველ კვირას მზად უნდა იყო. ყოველ კვირას შენი შესაძლებლობები უნდა წარმაოჩინო. ცუდი 45 წუთი და ნახვამდის." - დაამატა გვარდიოლამ.

წყარო: fapl.ru