დეილი ბლინდი მოხარულია ლუი ვან გაალთან ერთად მუშაობით და აცხადებს, რომ ჰოლანდიელი მწვრთნელი მას უკეთეს ფეხბურთელად აქცევს.

"ის ყველასთან მიმართებაში პატიოსანია, იცის რა სურს და თავის ფილოსოფიას იცნობს. მას შეუძლია გუნდსაც გადასცეს ეს და გუნდი თითოეული ფეხბურთელისგან შექმნას. თუ ერთად რამის გაკეთება გსურს ეს კარგი დასაწყისია. ლუი ვან გაალთან ერთად მუშაობით ბევრ რამეს ვსწავლობ და მომწონს მასთან ერთად მუშაობა."

"მასთან ერთად დიდი ხნის განმავლობაში არ მიმუშავია. მასთან ერთად მხოლოდ მსოფლიო ჩემპიონატზე და საკვალიფიკაციო ეტაპზე ვიმუშავე. დროის უდიდესი ნაწილი "აიაქსში" ფრანკ დე ბურთან ერთად გავატარე და ვფიქრობ ისეთ ფეხბურთელად ჩამოყალიბებაში, როგორიც ახლა სწორედ "აიაქსი" დამეხმარა. რა თქმა უნდა ვან გაალმაც ბევრი რამ მასწავლა და ბევრ რამეში დამეხმარა. მინდა მისგან ბევრი რამ ვისწავლო მომდევნო სეზონშიც."

"ვფიქრობ, მას შეუძლია პოზიციურ საკითხში უკეთესი ფეხბურთელი გამხადოს, მასწავლოს თუ სად დავდგე და თამაშის ტაქტიკაც შემასწავლოს, რადგან ნახევარდაცვა მნიშვნელოვანი პოზიციაა თამაშში. იმედი მაქვს ამ კომპონენტში ყოველ დღე გავუმჯობესდები."

დეილი ბლინდი პრემიერ-ლიგის რიტმისა და სათამაშო სხვაობაზეც საუბრობს.

"ცოტა უცნაური იყო, რადგან მოწინააღმდეგეები უკან იხევდნენ და დიდი სივრცე მქონდა ბურთის საკონტროლებლად და ფლანგიდან ფლანგზე სათამაშოდ. დიდი სივრცე მქონდა და ეს შესანიშნავი იყო ჩემთვის. როცა ბურთს ვკარგავდით მისთვის მთელი გუნდით ვიბრძოდით. ბურთი ბევჯერ დავიბრუნეთ, ასე რომ, კარგი სამუშაო გავწიეთ."

"რა თქმა უნდა მაღალი ტემპი იყო და ამას ფეხებშიც ვგრძნობ, მაგრამ მე თავისუფლად შემიძლია 90 წუთის თამაში. მხოლოდ ჰოლანდიის ლიგასა და საერთაშორისო მატჩებში მითამაშია, მაგრამ ვფიქრობ, პრემიერ-ლიგა ყველაზე სწრაფი და მაღალი დონის ჩემპიონატია."

ბლინდი ახალწვეულებსაც შეეხო.

"როცა აქ მოვედი მართლაც თბილი დახვედრა მომიწყვეს და გუნდში თავს კარგად ვგრძნობ. რობინი დამეხმარა ყველაზე მეტად, რადგან მას ჰოლანდიის ნაკრებიდან ვიცნობ."

"მაგრამ სხვა ბიჭებიც დამეხმარნენ, ვინც ახლახანს მოვიდნენ. ყველას სურს ერთმანეთისთვის ბრძოლა და ვფიქრობ ეს თამაშშიც ვაჩვენეთ. ყველას სურს ერთმანეთის ბურთის მიწოდება და ასეთი გუნდური თამაში მომწონს."

წყარო: manutd.com