პრეს-კონფერენციაზე, რომელიც სატრანსფერო ფანჯრის "დედლაინზე" გადმოსულ ფეხბურთელებს, დეილი ბლინდსა და რადამელ ფალკაოს ეძღვნებოდა ვან გაალმა განაცხადა, რომ ახალწვეულებს ადგილს მოუძებნის და ახალგაზრდებსაც მისცემს შანსს.

"ჩვენ 5 ფეხბურთელი ვიყიდეთ და ერთი იჯარით მოვიყვანეთ. შესაძლო მომდევნო წელს ვიყიდოთ კიდეც - ეს ფალკაოა. ჩვენ 14 ფეხბურთელს მივეცით წასვლის საშუალება, ასე რომ, როგორ მოვარგებ ამ ფეხბურთელებს გუნდს? არც ისე რთულია. როცა 14 ფეხბურთელს აძლევ წასვლის საშუალებას და მათ ნაცვლად მხოლოდ ექვსი მოდის, შენ ახალგაზრდული განათლებაც გჭირდება, რაც "მანჩესტერ იუნაიტედის" პოლიტიკას შეესაბამება. როცა ფეხბურთელებს სხვა კლუბში წასვლის საშუალებას არ აძლევ, ვერასდროს მოახერხებ ახალგაზრდებისთვის შანსის მიცემას და ამ პოლიტიკის გამო ჩვენ ახალგაზრდებს შანსი მივეცით."

"მაგრამ საკითხავია გამოიყენებენ თუ არა ისინი ამ შანსს. რა თქმა უნდა ეს უფრო სარისკოა, მაგრამ ეს ერთადერთი გზაა "მანჩესტერ იუნაიტედში" ამის გასაკეთებლად, რომელსაც ყოველთვის ჰყავდა გუნდში მის მიერ აღზრდილი ფეხბურთელი. ეს ერთადერთი გზაა."

"რვა პოზიციაზე მეტია ამჟამად ვაკანტური და ის ახალგაზრდებისთვისაა ვაკანტური. წინასასეზონო მატჩებშიც და ამ სეზონშიც ბევრი ახალგაზრდა ვათამაშე. ასე რომ, მე ყოველთვის ვაძლევ შანსს ახალგაზრდებს, მაგრამ მათ ეს შანსი უნდა გამოიყენონ."

"ამას მათ ნაცვლად ვერ გავაკეთებ. ეს თავად უნდა გააკეთონ. ჩვენი პოლიტიკა ასეთია. შესაძლობლობა არსებობს და ახალგაზრდებმა ეს უნდა იცოდნენ. დარწმუნებული ვარ, "მანჩესტერ იუნაიტედმა" მე სწორედ ამის გამო ამირჩია."

წყარო: manutd.com