"მანჩესტერ იუნაიტედის" ბელგიელმა ნახევარმცველმა მარუან ფელაინიმ განაცხადა, რომ იგი ლუი ვან გაალის გულის მოსაგებად ყველაფერს გააკეთებს.

ჭორების თანახმად, ზაფხულის სატრანსფერო ფანჯარაზე მთავარი მწვრთნელი მარუანის გაშვებას აპირებდა. "იუნაიტედმა" ბელგიელი 2013 წლის ზაფხულში 27,5 მლნ. ფუნტად გადმოიყვანა, თუმცა მარუანმა მთელი სეზონი ჩააგდო და გულემატკივრებსაც იმედები გაუცრუა.

ამჟამად მარუანი ტრამვირებულია და მკურნალობს. 26 წლის ნახევარმცველის თქმით, იგი ძირითადში მოსახვედრად ყველაფერს გააკეთებს.

"მე გუნდში ადგილის მოსაპოვებლად ვიბრძვი. მწვრთნელი მოედანზე გამოსასვლელად საუკეთესო 11 მოთამაშეს ირჩევს. ყველაფერს გავაკეთებ, რათა მეც მათ შორის მოვხვდე."

"სეზონის დაწყებამდე, მთავარ მწვრთნელს შევხვდი. მან მითხრა, რომ ამ პოზიციაზე მაღალი კონკურენცია იქნებოდა. მე კი ვუპასუხე, რომ ყოველი გამოწვევის მისაღებად მზად ვიყავი."

"ლუი ვან გაალი შესანიშნავი მწვრთნელია. ჩვენ რამდენჯერმე შევხვდით ნაკრებში ერთმანეთს. იგი დაკვირვებული ადამიანია, ყველაფერს აანალიზებს და წარმატების მისაღწევად ყველაფერს აკეთებს."-განაცხადა ფელაინიმ

წყარო: Fapl.ru

მოხვდება ფელაინი ძირითად შემადგენლობაში?

კი

არა

ხმის მიცემა შედეგები