"მანჩესტერ იუნაიტედისა" და ინგლისის ნაკრების კაპიტანი, უეინ რუნი აცხადებს, რომ მისი სანაკრებო თანაგუნდელი, რაჰიმ სტერლინგი მას მარკ ოვერმარსს ახსენებს.

"ლივერპულის" ახალგაზრდა ვინგერმა ნაკრებში მხოლოდ 171 წუთი ჩაატარა, მაგრამ უკვე ითვლება მის განუყოფელ ნაწილად. "სამ ლომთა" კაპიტანი სტერლინგს "არსენალის" ლეგენდას ადარებს.

"ის საკმაოდ უჩვეულო ფეხბურთელია. ის, ვისაც შეტევის ყველა ხაზში და ფლანგზე შეუძლია თამაში. მსოფლიო ჩემპიონატამდე ერთად ვისხედით და მას მარკ ოვერმარსის ვიდეო ვაჩვენე. მას მახსენებს."

"ახალგაზრდა ბიჭია, მაგრამ დაუჯერებელ პოტენციალს ავლენს. სინამდვილეში შეუძლია ოვერმარსზე არანაკლები გახდეს. გასულ სეზონში ვნახეთ, რომ ის გასაოცარი მოთამაშეა და ამ სეზონის დასაწყისშიც ასე ჩანს. ის ჩვენთვის მომდევნო 10-15 წლის განმავლობაში მნიშვნელოვანი ფიგურა იქნება და სამწუხაროდ "ლივერპულისთვისაც". - განაცხადა რუნიმ.

წყარო: fapl.ru