"მადრიდელებისგან წერილი მივიღე დაახლოებით დილის 11 საათზე, სწორედ იმ დღეს როდესაც მსოლფიო ჩემპიონატის ფინალი უნდა გამართულიყო ბრაზილიაში. მათ მთხოვეს, რომ ფინალში მონაწილეობა არ მიმეღო." - აცხადებს დი მარია America & Closs-თან.

"მატჩი 16:00 საათზე იწყებოდა, მე კი თავს ვამზადებდი ამ ფინალისთვის, იმისდა მიუხედავად რომ შეიძლებოდა ტრავმა გამერთულებინა. როდესაც წერილი მივიღე და წავიკითხე, უბრალოდ გადავხიე. სულ არ მაინტერესებდა მათი აზრი."

"რეალის" პრეზიდენტმაც და კარლო ანჩელოტიმაც განაცხადეს, რომ დი მარიას თავად სურდა კლუბის დატოვება, მაგრამ ანხელმა ეს ყველაფერი უარყო და განაცხადა, რომ სამეფო კლუბის პრეზიდენტთან კარგი ურთიერთობა არასდროს ჰქონდა:"არასდროს მითქვამს, რომ "რეალიდან" მსურდა წასვლა. კლუბმა უბრალოდ ახალი ფეხბურთელების მოყვანა გადაწყვიტა. ჩემს თანაგუნდელებთან შესანიშნავი ურთიერთობა მქონდა."

"პერესთან, ჩემი ურთიერთობები არ აეწყო. "რეალთან" კონტრაქტის გაფორმების შემდეგ მე მისთვის არსებობა შევწყვიტე.

შემოთავაზებები მქონდა, "პ.ს.ჟ."-სგან, "მონაკოსგან", "იუნაიტედისგან" და კიდევ "მანჩესტერ სიტისგანაც". საერთოდ როდესაც ასეთი გუნდები დაინტერესდებიან შენით, კლუბმა აუცილებლად ახალი კონტრაქტი უნდა შემოგთავაზოთ, მაგრამ მათ ჩემი გაყიდვა ჰქონდათ განზრახული."

როგორც კრიშტიანუ რონალდუს ინტერვიუებიდან ჩანს, პორტუგალიელს არგენტინელთან კარგი ურთიერთობა ჰქონდა და დი მარია არ გამორიცხავს იმასაც, რომ შესაძლოა რონალდუმ ესპანური კლუბი მალე დატოვოს.

"კრიშტიანუ ყოველთვის ჩემს მხარეზე იყო, - აგრძელებს ანხელი, - ის იმისთვის იბრძოდა, რომ დავრჩენილიყავი. არ ვიცი თვითონ რამდენ ხანს დარჩება მადრიდში."

"ესპანეთში თამაში მომწონდა, მაგრამ ახლა ინგლისში ვარ და მინდა, რომ ინგლისურ ფეხბურთს მალე შევეგუო და თანაგუნდელებსაც რაც შეიძლება მალე შევეწყო.

მინდა ბევრი გოლი გავიტანო "იუნაიტედის" მაისურით და ეს დიდებული კლუბი თავის ჩვეულ ადგილას დავაბრუნო. ძალიან ბედნიერი ვარ მანჩესტერში."

წყარო:http://redevils.ru