დანი უელბეკი ქალაქ მანჩესტერში დაიბადა, 8 წლიდან "იუნაიტედის" აკადემიაში იზრდებოდა, ახლა კი, 23 წლის ასაკში ამბობს, რომ ყოველთვის "არსენალში" თამაში სურდა.
უელბეკი "მეთოფეებს" 16 მილიონ ფუნტად შეუერთდა სატრანსფერო ფანჯრის დახურვამდე რამდენიმე წუთით ადრე. შეიძლება ითქვას, რომ "ოლდ ტრაფორდიდან" წასვლისკენ მას ფალკაოს ტრანსფერმა უბიძგა.
"ეს ტრანსფერი ჩემთვის ძალზედ სასიხარულოა. შესანიშნავია იყო ამ კლუბის ნაწილი. პრემიერ ლიგაში მათ ყოველთვის თვალს ვადევნებდი," - ამბობს დანი, "არსენალში" ჩემს თავს ყოველთვის ვხედავდი. საბედნიეროდ, როგორც იქნა ამ გუნდის მოთამაშე ვარ."
"იუნაიტედში" ბავშვობიდან ვთამაშობდი და იქ შესანიშნავი დრო გავატარე. ვფიქრობ, აქ გადმოსვლა ჩემი განვითარების ახალი საფეხურია - "არსენალში" შემიძლია ხალხს ვაჩვენო რა შემიძლია და იმედი მაქვს, ადგილს მალევე დავიმკვიდრებ.
ცხოვრებაში ბევრი რამ იცვლება და გარკვეულ სიტუაციებში სწორი გადაწყვეტილებების მიღება გვიწევს. მჯერა, რომ "არსენალში" გადმოსვლა სწორი არჩევანია. გასულ წლებში ეს კლუბი კარგად ათამაშდა, ინგლისის თასი და ქომუნითი შილდი მოიგო. ვგრძნობ, რომ ამჯერად ჩვენ პრემიერ ლიგის ტიტულისთვის ბრძოლა შეგვეძლება. ერთი მედალი უკვე მაქვს, მინდა მისი რაოდენობა გაიზარდოს."
უელბეკმა "იუნაიტედის" მაისურით ჩატარებული 142 მატჩიდან 28 გოლი გაიტანა. მას სჯერა, რომ შედეგის გასაუმჯობესებელ შანსს "არსენალი" აუცილებლად მისცემს.
"მწვრთნელის სტილის მჯერა, ნახევარდაცვაში საუცხოო ფეხბურთელები გვყავს, მათ შეუძლიათ თავდამსხმელებს დიდი დახმარება გაგვწიონ. მინდა გუნდს ძალა შევმატო და მათ კომბინაციურ თამაშში ჩავერთო. მინდა გოლები გავიტანო და კლუბს წარმატების მიღწევაში დავეხმარო." - დაასრულა უელბეკმა.

წყარო: eurosport.com