Daily Mail-ისა და ახლა უკვე BBC-ის ცნობით "მანჩესტერ იუნაიტედმა" "აიაქსთან" დეილი ბლინდის თაობაზე 14 მილიონიანი ტრანსფერი შეათანხმა.

ახლა, როცა ორივე კლუბი შეთანხმდნენ, დეილის მოუწევს მხოლოდ პირადი კონტრაქტის პირობები შეათანხმოს, რაც როგორც მოსალოდნელია მხოლოდ ფორმალობა იქნება.

არაოფიციალურ სატრანსფერო სიახლეს კიდევ უფრო რეალურს ხდის ის, რომ "აიაქსს" "გრონინგენთან" გასვლითი მატჩი აქვს გასამართი, ბლინდი კი ამ შეხვედრის განაცხადში შესული არ არის.

ბლინდს, რომელსაც როგორც მარცხენა მცველად, ისე ფლანგის ნახევამრცველად შეუძლია თამაში "იუნაიტედს" მთელი ზაფხულის განმავლობაში უკავშირებდნენ - ჯერ კიდევ მაშინ, როცა დეილი ვან გაალის ხელმძღვანელობის ქვეშ ბრაზილიაში ჰოლანდიის ნაკრების რიგებში თამაშობდა.

რამდენიმე დღის წინ, "აიაქსის" სპორტულმა დირექტორმა, მარკ ოვერმარსმა "იუნაიტედი" გააფრთხილა, რომ ბლინდი ძალიან ძვირი დაჯდებოდა. როგორც მოსალოდნელია, 14 მლნ ჰოლანდიური კლუბისთვის სავსებით საკმარისი აღმოჩნდა.

fapl.ru