კლუბი სამმა ლეგენდარულმა მცველმა დატოვა, მათ ნაცვლად კი მაღალი კლასის მცველების შეძენა ვერ მოხერხდა. მეჰდი ბენატია უკვე ,,ბაიერნის'' მოთამაშეა, მატს ჰუმელსი კი ამ ზაფხულს ,,დორტმუნდს'' აღარ დატოვებს. სატრანსფერო ფანჯრის დახურვამდე ცოტა დრო დარჩა და გუნდს ცენტრალური მცველი აუცილებლად სჭირდება. სწორედ ამიტომაც გთავაზობთ იმ მცველთა სიას, რომელთა შეძენა ,,იუნაიტედს'' რეალურად შეუძლია.



10. რონ ვლაარი

ასაკი: 29 წელი

კლუბი: ,,ასტონ ვილა''

სატრანსფერო ღირებულება: 6.5 მლნ ევრო

ყველასთვის კარგად ნაცნობი ჰოლანდიელი მცველი, რომელიც თავისი ფიზიკური მომზადებით და გამოცდილებით გამოირჩევა. ,,ფეიონოორდში'' ის კარგად თამაშობდა, მაგრამ ტოპ კლუბების ყურადღება ვერ მიიქცია და საბოლოოდ ინგლისში გადმობარგდა. მსოფლიო ჩემპიონატზე ვლაარმა დაამტკიცა, რომ მაღალ დონეზე თამაში ნამდვილად შეუძლია, მცველებს შორის მსოფლიო ჩემპიონატზე ის მართლაც ერთ–ერთი საუკეთესო იყო. ,,მანჩესტერისთვის'' ვლაარი ერთ–ერთი ვარიანტი, რომელიც კლუბს ორი–სამი წლით გამოადგება. ახალ სქემასთან და ვან გალთან მიჩვევა მისთვის არანაირი პრობლემა არ იქნება. ფასი კი კლუბისთვის პრობლემას არ წარმოადგენს.



9. საიმონ კიაერი

ასაკი: 25 წელი

კლუბი: ,,ლილი''

სატრანსფერო ღირებულება: 7 მლნ ევრო

რამოდენიმე წლის წინ ის ვუნდერკინდად და დანიის ნაკრების მომავალ ვარკსვლავად ითვლებოდა. სწორედ ამიტომაც იჩენდნენ მის მიმართ ინტერეს მადრიდის ,,რეალი'' და ლონდონის ,,ტოტენჰემი'', მაგრამ საბოლოოდ ის იტალიურ ,,პალერმოში" აღმოჩნდა. ,,პალერმოდან'' ის გერმანულ ,,ვოლფსბურგში'' იქნა გაყიდული, მაგრამ აქ დანიელმა შედეგი ვერ აჩვენა მცირე სათამაშო პრაქტიკის გამო და საბოლოოდ ფრანგულ ,,ლილში'' გადავიდა. აქ მას სათამაშო დრო მიეცა და საკმაოდ სტაბილურადაც თამაშობს, მართალია ის ტოპ ფეხბურთელთა სიას არ მიეკთუვნება, მაგრამ მცირე ასაკი (25 წელი) აძლევს მას იმის საშუალებას, რომ კიდევ უფრო მეტად განვითარდეს.



8. ანდერსონ ვიტალ და სილვა ,,დედე''

ასაკი: 26 წელი

კლუბი: ,,კრუზეირო''

სატრანსფერო ღირებულება: 9 მლნ ევრო

ბრაზილიელებისთვის ის ძალზედ საყვარელი მოთამაშეა. საკვირველია, რომ მან 100 დიდებულ ბრაზილიელ ფეხბურთელთა სიაში რომარიოს, გარინჩას, სოკრატისსა და რონალდინიოს გადაასწრო. თუმცა მას სამშობლო არ დაუტოვებია, იმ მრავალი შემოთავაზების მიუხედავად რომელიც მას თურქეთიდან და რუსეთიდან ჰქონდა.



7. რობინ კნოხე

ასაკი: 22 წელი

კლუბი: ,,ვოლფსბურგი''

სატრანსფერო ღირებულება: 9 მლნ ევრო

სანამ რობინ კნოხე ბუნდესლიგის ერთ–ერთ საუკეთესო მცველად არ გაზრდილა, მისი იაფად წამოყვანის შესაფერისი დროა. ,,ვოლფსბურგის'' აღსაზრდელმა რომლის სიმაღლეც 190 სმ მიაღწია, ძალზედ ძლიერ დაცვის წყვილი შექმნა ბრაზილიელ ნალდოსთან ერთად. კნოხე საიმედო მოთამაშეა, რომელიც ტაქტიკურად კარგადაა განსწავლული და და ფიზიკურადაც საკმაოდ ძლიერია.



6. რაიან შოუქროსი

ასაკი: 26 წელი

კლუბი: ,,სტოკ სიტი''

სატრანსფერო ღირებულება: 9 მლნ ევრო

შოუქროსი ,,მანჩესტერის'' ერთ–ერთი აღსაზრდელი იყო, რომელსაც რეზერვისტების ჩემპიონატისა და მანჩესტერის დიდი თასის მოგების შემდეგ, დიდ მომავალს უწინასწარმეტყველებდნენ. მაგრამ ნაკლები სათამაშო დროის გამო ის იძულებული გახდა კლუბი დაეტოვებინა. ახლა ის ,,სტოკ სიტის'' კაპიტანია.



5. გაბრიელ პალეტა

ასაკი: 28 წელი

კლუბი: ,,პარმა''

სატრანსფერო ღირებულება: 9 მლნ ევრო

არგენტინის ნაკრებისგან გამოძახების ლოდინში დაღლილმა პალეტამ საბოლოოდ ,,აძურის'' მაისური ჩაიცვა. მსოფლიო ჩემპიონატზე თავის გამოჩენა ვერ შეძლო, მაგრამ სამაგიეროდ მისი შესაძლებლობები ,,პარმაში'' დაამტკიცა. მას საკმაოდ დიდი მოგებების გამოცდილებაც აქვს, ადრე მან არგენტინის ჩემპიონატის მოგება მოახერხა.



4. სემი კაია

ასაკი: 23 წელი

კლუბი: ,,გალათასარაი''

სატრანსფერო ღირებულება: 10 მლნ ევრო

რამოდენიმე წლის წინ მის მიმართ ,,იუნაიტედი'' ინტერესს იჩენდა, მაგრამ მისი შეძენა არ მომხდარა. ახალგაზრდული ასაკის მიუხედავად ის ძალზედ ცივსისხლიანი და თავის შესაძლებლობებში დარწმუნებული ფეხბურთელია, რომელიც ძალზედ გამბედავი და მებრძოლია. ,,ჩემთვის მნიშვნელობა არ აქვს ვის წინააღმდეგ ვითამაშებ, იქნება ეს რონალდუ თუ სხვა. მე მას პატივს ვცემ, მაგრამ ჩემი დავალება მაქვს შესასრულებელი და უკან დახევას არ ვაპირებ''



3. მატეო მუსაკო

ასაკი: 24 წელი

კლუბი: ,,ვილიარეალი''

სატრანსფერო ღირებულება: 10 მლნ ევრო

არგენტინელი იტალიური სისხლით, რომელიც ,,ვილიარეალის'' ერთგული ბოლომდე დარჩა და სეგუნდა დივიზიონში გუნდთან ერთად გადავიდა. ტექნიკური, კარგი ფიზიკური მომზადებით. ის მუდამ იპყრობდა დიდი კლუბების ყურადღებას. ბოლოს მას ,,ტოტენჰემი'' აკვირდებოდა, მაგრამ საბოლოოდ ლონდონელებმა ფედერიკო ფასიოს შეძენა ამჯობინეს.



2. ინიგო მარტინეზი

ასაკი: 23 წელი

კლუბი: ,,რეალ სოსიედადი''

სატრანსფერო ღირებულება: 15 მლნ ევრო

მარტინეზი ესპანეთში ერთ–ერთ პერსპექტიულ მცველად ითვლება, რომელზედაც დიდ იმედებს ამყარებენ. მისი შეძენა ადვილი ნამდვილად არ იქნება, რადგანაც ,,ბარსას'' შეთავაზება 15 მლნ ევროს ფარგლებში ''ბასკებმა'' უარით გაისწუმრეს. მარტინეზი ნაკრების მომავალ მცველად მოიაზრება, ინგლისური კლუბისთვის ინიგო მართლაც რომ კარგი შენაძენი იქნებოდა. კარგი ფიზიკური მომზადება და სწორად გათვლილი ჩართვები შეტევაში. მარტინეზს გოლი ცენტრიდანაც აქვს გატანილი ,,ბეტისის'' კარში და არ დაგვავიწყდეს რომ გასულ სეზონში ,,ოლდ ტრაფორდზე'' გამართულ შეხვედრაში, სადაც ,,მანჩესტერმა'' ,,სოსიედადი'' მინიმალური ანგარიშით 1–0 დაამარცხა, ერთადერთი გოლი სწორედ მარტინეზმა გაიტანა საკუთარი გუნდის კარში.



1. ბენედიქტ ჰოვედესი

ასაკი: 26 წელი

კლუბი: ,,შალკე''

სატრანსფერო ღირებულება: 16 მლნ ევრო

ბენედიქტი გერმანელების ყველაზე უნივერსალური მცველია. მას შეუძლია როგორც ცენტრში, ასევე ფლანგზე თამაშიც. ის გამოცდილია, აქვს მსოფლიო ჩემპიონის მედალი და ამბიციები, რომლის განხორციელებასაც ,,შალკეში'' ვერ ახერხებს. მართალია ის კაპიტანია, მაგრამ ტიტულების მოგების სურვილი მისთვის უპირველესია.

წყარო: Carrick.ru