დრო : 21:41
არგენტინელი ანხელ დიმარია მანჩესტერში ჩაფრინდა. მას კლუბის წარმომადგენლები დახვდნენ და კერინგტონზე წაიყვანეს, სადაც სამედიცინო შემოწმებას გაივლის.

როგორც იქნა, საბოლოოდ შედგა მადრიდის "რეალსა" და "მანჩესტერ იუნიატედს" შორის შეთანხმება. სულ რამდენიმე საათში დასრულდება ორთვიანი საგა ანხელ დიმარიაზე და არგენტინელი ოფიციალურად მოირგებს "წითელი ეშმაკების" ფორმას.

უახლეს ფოტოებსა და ინფორმაციას REDARMY.GE ოპერატიულად, როგორც ყოველთვის, პირველი შემოგთავაზებთ.



დრო : 22:11
Sky Sport- ის ინფორმაციით დიმარიას სატრანსფერო თანხა £59.6 მილიონ ფუნტ-სტერლინგს შეადგენს. ეს თანხა დიმარიაში გადახდილია, თუმცა კონტრაქტის გამოსასყიდი თანხა £4.3 მილიონია, ჯამში კი არგენტინელის დამატება "იუნიატედს" £63.9 მილიონი ფუნტ-სტერლინგი დაუჯდა, რაც პრემიერ ლიგის ახალი სარეკორდო თანხაა. შეგახსენებთ, რომ დიმარიას ტრანსფერით მოიხსნა 2011 წლის იანვრის რეკორდი, რომელიც გულისხმობდა ფერნანდო ტორესში გადახდილ £50 მილიონს.

დრო : 22:22



როგორც ჩანს დიმარიამ სამედიცინო შემოწმება წარმატებით გაიარა და კონტრაქტსაც მოაწერა ხელი. ამის შესახებ კვლავ Sky Sport იტყობინება. მათი ინფორმაციით "იუნიატედი" და არგენტინელი შეთანხმდნენ კონტრაქტის დეტალებზე და ანხელი უკვე ოფიციალურად წითელი ეშმაკუნაა.

დარჩით ჩვენთან ერთად. ჩვენ პირველები ვართ !

დრო : 22:51



ინგლისის პრემიერ ლიგის რეკორდსმენი, ანხელ დიმარია ფეხბურთის ისტორიაში ყველაზე ძვირი ფეხბურთელების სიაში მეოთხე ადგილზეა. იგი ჩამორჩება მადრიდის "რეალის" ტრიოს : რონალდუს, ბეილსა და ხამეს როდრიგეზს.



დრო : 23:43



მეგობრებო, სამწუხაროდ დღევანდელი სატრანსფერო სიახლეები ამოიწურა. დი მარიას საბოლოო გაოფიციალურება ხვალ დილით მოხდება. არ დაგავიწყდეთ REDARMY.GE პირველი შემოგთავაზებთ დი მარიას ექსკლუზიურ ფოტოებს !