ანხელ დი მარია ქალაქ მანჩესტერში დღე ჩავა (ორშაბათს), რომ გამართოს მოლაპარაკებები კლუბთან. ასევე, ყველას ძალიან დიდი სურვილი და იმედია, რომ დი მარიამ უკვე მომდევნო კვირასვე ითამაშოს "ბარნლის" წინააღმდეგ.
როდესაც ტრანსფერი დასრულდება, ეს იქნება პრემიერ ლიგაში ყველაზე ძვირად ღირებული ტრანსფერი. აქამდე ინგლისური ჩემპიონატის ყველაზე დიდი ტრანსფერი ფერნანდო ტორესი იყო, რომელიც 50 მილიონი ფუნტი სტერლინგით შეფასდა 3 წლის წინ.
"სქაისპორტის" ექსპერტის, გილემ ბალაჯის ცნობით მხარეები ერთამენთს შეხვდნენ, როგორც ცნობილია "მადრიდის რეალს" 90 მილიონი ევრო სურდა, ხოლო "იუნაიტედი" 60 მილიონს სთავაზობდა, თუმცა საბოლოოდ მხარეები 80 მილიონ ევროზე (69,3 მილიონ ფუნტ სტერლინგზე) შეჯერდნენ.
თუმცა, თავად ინგლისური კლუბი არ აკეთებს კონკრეტულ თანხაზე კომენტარს.

წყარო: "სქაისპორტი"