უეინ რუნიმ აღიარა, რომ ენდი ქეროლს შესწევს მომდევნო მატჩში "იუნაიტედისთვის" პრობლემების შექმნის ძალა. ინგლისელმა ახალგაზრდა ფორვარდმა უკვე ჩაატარა შეხვედრა "ტოტენჰემის" წინააღმდეგ და სრულიად შესაძლებელია ის "წითელი ეშმაკების" წინააღმდეგ მატჩში ძირითად შემადგენლობაში ვიხილოთ. რუნი, რომელსაც ენდისთან ერთად ინგლისის ნაკრებში აქვს ნათამაშები თვლის, რომ "იუნაიტედის" მცველებს მარტივი მატჩი ნამდვილად არ ელოდებათ.

"ენდი ქეროლი ჩვენ საქმეს მოგვიმატებს, – განაცხადა რუნიმ. "ნებისმიერი მცველი დაგიდასტურებთ, რომ ძალიან რთულია ისეთ ფეხბურთელის წინააღმდეგ თამაში, რომელიც მეორე სართულზე ძალიან კარგად თამაშობს. ის შესანიშნავ ფიზიკურ ფორმაშია, რაც ჩვენ ამოცანას კიდევ უფრო ართულებს. ასეთი მოთამაშეები ყოველთვის არ იტანენ, მაგრამ მცველებს ხშირად ანერვიულებენ და არც თუ ისე ცოტა პრობლემას ქმნიან. დარწმუნებული ვარ, რომ სემ ელარდაისი ქეროლს სწორედ ასეთ დავალებას მისცემს.

"ჩვენ ვიცით, რომ "ჩელსი" და "მანჩესტერ სიტი" ფეხდაფეხ მოგვსდევენ ლიგის ცხრილში და ჩვენც ასევე, - აღიარა რუნიმ. "ყველაფრისდა მიუხედავად, ჩვენ ჩვენ მატჩზე უნდა ვიყოთ კონცენტრირებულნი და მოგებისთვის ყველაფერი უნდა გავაკეთოთ, რადგან წინ ჩვენ არაერთი რთული მატჩი გველის. დარწმუნებული ვარ, რომ ბოსი თამაშზე ძლიერ შემადგენლობას გამოიყვანს."

წყარო: manutd.ru