"სუონსთან" ფიასკოს შემდეგ, ლუი ვან გაალმა აღნიშნა, რომ კლუბს ნამდვილად ესაჭიროება ახალი ფეხბურთელები. როგორც მოგეხსენებათ, "იუნაიტედი" პრემიერ-ლიგის პირველივე ტურში დამარცხდა.

მარცხის შემდეგ ვან გაალმა განაცხადა, რომ ყველაფერს გააკეთებს ახალი ფეხბურთელების შესაძენად, თუმცა ჯერ ყველაფრის აწონ-დაწონვაა საჭირო.

"ვიცი, რომელ პოზიციებზეც გვჭირდება გაძლიერება, მაგრამ ფეხბურთელის ყიდვა მხოლოდ მაშინ შეიძლება, როდესაც 100 % დარწმუნებული ხარ, რომ ახალი ფეხბურთელი ზუსტად შეასრულებს შენს მითითებებს. ჩვენ უნდა დავიცადოთ. დღეს მოგება შეგვეძლო." მიუხადავად ამ განცხადებისა, ვან გაალი არ ამბობს რამდენი ფეხბურთელის შეძენას აპირებს. "თქვენთან ამის შესახებ არ ვილაპარაკებ, დიდი ბოდიშით." – დაასრულა ვან გაალმა

მწვრთნელმა ასევე აღნიშნა, რომ ამ მატჩამდეც ჰქონდა გადაწყვეტილი, რამდენიმე ფეხბურთელის შეძენა, თუმცა ახლა დარწმუნდა, რომ ახალი ფეხბურთელების მოყვანის გარეშე კლუბი წარუმატებელ თამაშს არ შეწყვეტს.

"ვიცი, რომ ყველა დამწუხრებულია. ფანები, ფეხბურთელები, მწვრთნელები და მათ შორის მეც. ვიცი, რომ "იუნაიტედის" გულშემატკივრისთვის ძნელია ასეთი წაგება, თუმცა ვიცი რასაც ვაკეთებ და შედეგსაც იხილავთ, ამაზე ნუ ინერვიულებთ. ეს მხოლოდ დასაწყისია. ჩვენ წინ ბევრი თამაში გვაქვს და მალე ვაჩვენებთ იმას, რაც ნამდვილად შეგვიძლია." - დაასრულა ლუი ვან გაალმა.