ცნობილი ინგლისური გამოცემა skysports-ის თანახმად იტალიური "რომას" ცენტრალური მცველი მეჰდი ბენატია ინგლისში "იუნაიტედთან" მოსალაპარაკებლად ჩავიდა.

მოლაპარაკებები ამჟამად გრძელდება და წითელი მხარე ყველაფერს გააკეთებს, რომ თავისი დაცვის ხაზი ბენატიათი გააძლიეროს.

"იუნაიტედში" კარგი მცველების დეფიციტია და დღეს ლუი ვან გაალი იძულებული იყო ახალგაზრდა ბლეკეტი დაეყენებინა ტრავმირებული ევანსის მაგივრად.

ბენატია ადრე დაკავშირებული იყო "მანჩესტერ სიტისთან", თუმცა მოლაპარაკებების ჩიხში შესვლის შემდეგ "სიტი" მანგალაზე გადაერთო.

"იუნაიტედს" ჰაერივით სჭირდება მაღალი დონის მცველი, რომ ცოტათი მაინც გადაფაროს კლუბიდან ვიდიჩის და ფერდინანდის წასვლა.

ბენატია საფრანგეთში დაიბადა, თუმცა კარიერის დიდი ნაწილი იტალიაში გაატარა. "რომაში" ის 2013 წელს მივიდა და ძირითადის მცველად ჩამოყალიბდა.

სოლიდური მცველობის გარდა ბენატია კარგი გამტანიცაა. 33 შეხვედრაში მან 5_ჯერ მოახერხა თავის გამოჩენა.

Skysports