როგორც ცნობილი გამოცემა The Daily Mail იუწყება, "მანჩესტერ იუნაიტედის" აღმასრულებელი დირექტორი ედ ვუდვორდი კარდიფში გაემგზავრა, სადაც უეფას სუპერთასის ფინალს დაესწრო. გავრცელებული ინფორმაციით ვუდვორდი ანხელ დი მარიას აკვირდებოდა, რომელმაც მთელი 90 წუთი სათადარიგოთა სკამზე გაატარა.

შეგახსენებთ, რომ გუშინ კარდიფში სუპერ თასის ფინალური შეხვედრა გაიმართა, სადაც ერთმანეთს ესპანური კლუბები მადრიდის "რეალი" და "სევილია" დაუპირისპირდნენ. სამეფო კლუბმა "სევილია" 2-0 დაამარცხა და სუპერთასის ტიტულს მეორედ დაეუფლა.

მადრიდელები 26 წლის ვინგერის სანცვლოდ 50 მილიონ ფუნტს ითხოვენ, მაგრამ ვუდვორდი იმედოვნებს, რომ "იუნაიტედი" არგენტინელს ხელსაყრელ ფასად შეიძენს. ამ სეზონში "წითელი ეშმაკები" კიდევ 80 მილიონ ფუნტს დახარჯავენ, დი მარია, დეილი ბლინდისა და მარკოს როხოს შესაძენად.

მატჩის დასრულების შემდეგ ტელეკანალ Sky Ireland-მა განაცხადა, რომ მომავალ 48 საათში "იუნაიტედი" ტრანსფერებს ხმამაღლა გაახმაურებს.

Manutd.ru