"მანჩესტერ იუნაიტედის" ფეხბურთელებს, რომელთა მომავალიც ბუნდოვანია, დღეს ღამით უკანასკნელი შანსი ეძლევათ, რომ სეზონის დაწყებამდე მწვრთნელს თავიანთი შესაძლებლობები დაუმტკიცონ.

"იუნაიტედის" გულშემატკივრები იმედოვნებენ, რომ დღევანდელი "მანჩესტერ იუნაიტედი" მკვეთრად განსხვავდება ერთი წლის წინანდელისგან და ეს კიდევ ერთხელ დამტკიცდება დრევანდელ შეხვედრაში, რომელსაც "იუნაიტედი" "ოლდ ტრაფორდზე" "ვალენსიას" წინააღმდეგ პრემიერ-ლიგის დაწყებამდე 4 დღით ადრე გამართავს.

12 თვის წინ, დევიდ მოიესის "ოლდ ტრაფორდული" დებიუტი ასევე ესპანელების წინააღმდეგ, "სევილიასთან" დაპირისპირებაში შედგა.

შეხვედრა 3-1 დასრულდა ესპანელთა სასარგებლოდ და ეს თითქოს ნიშანი იყო მომდევნო პერიოდის წარუმატებლობისა. ესპანელები არ იყვნენ ერთადერთნი, ვინც "იუნაიტედზე" გამარჯვება იმ წელს იზეიმა.

გასულ წელს კლუბში ბევრი არაფერი შეცვლილა. "იუნაიტედი" მყარად იყო დაკავშირებული გარეტ ბეილის ტრანსფერთან და თითქოს მის სანაცვლოდ ხავიერ ერნანდესსაც იმეტებდნენ.

აღმასრულებელი დირექტორი, ედ ვუდვორდი ცდილობდა უეინ რუნისადმი "ჩელსის" ინტერესი ჩაეკლა და ეს იმ პერიოდში ხდებოდა, როცა მარუან ფელაინი და ლეიტონ ბეინსი "ევერტონის" დამტოვებელთა სიაში არ ირიცხებოდნენ.

ამ ყველაფერთან გასამკლავებლად, პრემიერ-ლიგის ჩემპიონები "ოლდ ტრაფორდზე" "სევილიას" შეხვდნენ და "ქომუნიტი შილდის" შეხვედრაში "უიგანს" დაუპისპირდებოდნენ ძალები ესპანელებთან მოსინჯეს.

მიუხედავად იმისა, რომ ედ ვუდვორდმა ანდერ ერერასა და ლუკ შოუს ტრანსფერი 24 საათში დაასრულა, მას შემდეგ კლუბს შენაძენი არ ჰქონია.

მსოფლიო ჩემპიონატის მაესტროს, ლუი ვან გაალის ინტერესებში ელიაკიმ მანგალას ტრანსფერი შედიოდა, მაგრამ ეს უკანასკნელი საბოლოოდ "სიტის" დარჩა.

დღეს "ვალენსიას" წინააღმდეგ ფეხბურთელებს უკანასკნელი შანსი ეძლევათ, რათა მწვრთნელს თავისი შესაძლებლობები დაუმტკიცონ და აჩვენონ, რომ მის ახალ ტაქტიკურ სქემაში მათი ადგილი ნამდვილად მოიპოვება.

მომავალი ბუნდოვანია.

თითქოს ზოგიერთმა იცის უკვე თავისი მომავლის შესახებ, მაგრამ "იუნაიტედის" დაინტერესება მატს ჰუმელსში, ანხელ დი მარიასა და დეილი ბლინდში მათ მაინც მისცემს ეჭვის საბაბს.

ახალწვეულები, ანდერ ერერა და ლუკ შოუ პირველ შეხვედრა ჩაატარებენ "ოლდ ტრაფორდზე" და ინგლისის ნაკრების მარცხენა მცველს იმედი აქვს, რომ ლუი ვან გაალის მოთხოვნებს უპასუხა და კარგ ფიზიკურ ფორმას დაუბრუნდა.

ეშლი იანგმა ამერიკის ტურნეზე აჩვენა, რომ მას შეუძლია იყოს მაღალი დონის ვინგერი და გასული სეზონის უფერულობა ჩაახშოს.

"ეშლი იანგი იყო ერთადერთი, რომელსაც გასაოცარი ტურნე გამოუვიდა."

"მან ყველა თამაში ითამაშა და სხვადასხვა პოზიციაზე დგებოდა. მან შთაბეჭდილება მოახდინა და საკუთარ თავს დიდი სამსახურიც გაუწია." - აცხადებს ფილ ნევილი.

შინჯი კაგავა 10 ნომრიანის პოზიციაზე მოიაზრება, მაგრამ როგორც ჩანს მას მატასთან დიდი ბრძოლა მოუწევს. შესაძლოა ის კლუბში დარჩეს კიდეც, მაგრამ მას მოუწევს დაამტკიცოს, რომ აქ თამაშს იმსახურებს.

manchestereveningnews