"მანჩესტერ იუნაიტედმა" ინტერესი დაკარგა დორტმუნდის "ბორუსიას" ცენტრალური მცველის მატს ჰუმელსის მიმართ.

Manchester Evening News ინფორმაციით, "იუნაიტედმა" ინტერესი იმის გამო არ დაკარგა, რომ 25 წლის ცენტრალური მცველის გადმობირება საკმაოდ რთულია. მიზეზი სხვაა.
"მანჩესტერ იუნაიტედის" მწვრთნელს ლუი ვან გაალს სურს მარცხენა ფეხით მოთამაშე ფეხბურთელი 3–5–2 ტაქტიკისთვის.

პრიორიტეტულ მიზნად ითვლებოდა ტომას ვერმალენიც, მაგრამ "არსენალი" უკვე გაურიგდა "ბარსელონას" და როგორც "მეთოფეები" ამბობენ შეთანხმება მათთვის ძალიან სარფიანი გამოდგა.

ბოლო ვარიანტად კი შეიიძლება ჩაითვალოს დეილი ბლინდი, რომელიც 24 წლის გახლავთ. ის "აიაქსის" ღირსებას იცავს. მსოფლიო ჩემპიონატზე ის ხშირად გვევლინებოდა მარცხენა მცველის პოზიციაზე, მაგრამ ის ასევე კარგად თამაშობს მარცხენა ცენტრალური მცველის და საყრდენი ნახევარმცველის პოზიციაზეც.

ბლინდის ტრანსფერი 17 მილიონ ფუნტად არის შეფასებული. ცოტა ხნის წინ პრესაში გავრცელდა ინფორმაცია, რომ ჰოლანდიური კლუბის ერთ–ერთმა პერსონამ განაცხადა, რომ 24 წლის მოთამაშე კლუბს ამ ზაფხულში დატოვებს.

წყარო:http://fapl.ru