ლუკ შოუ დაიბადა 1995 წლის 12 ივლისს კინგსტონში, ინგლისში. 2003 წელს იგი აიყვანეს „საუთჰემფტონის“ აკადემიაში. ფეხბურთელს უთამაშია თითქმის ყველა ახალგაზრდულ გუნდში და ყველგან გამოიჩინა თავი როგორც ერთ-ერთმა საუკეთესო მცველმა. 2011 წლის ბოლოსთვის, შოუმ გაიარა ტესტირება, რომელიც მიზნად ისახავდა მისი სათამაშო დონის ამაღლებას პროფესიონალური კარიერისთვის. ლუკი გადავიდა მთავარ გუნდში 16 წლის ასაკში. მისი დებიუტი მთავარ გუნდში ასოციაციის თასის გათამაშებაში შედგა 2012 წლის 28 იანვარს,  „მილუოლის“ წინააღმდეგ, როცა მან ჯეისონ პანჩონი შეცვალა.

დებიუტის შემდეგ მან 60 მატჩის ჩატარება შეძლო „საუთჰემფტონის“ მაისურით.  2014 წლის 18 აპრილს ის დაასახელეს წლის 6 საუკეთესო ახალგაზრდა ფეხბურთელს შორის, ინგლისში. ის ასევე შეყვანილ იქნა 2013-14 წლების ეზონის საუკეთესო გუნდში, როგორც სეზონის საუკეთესო მარცხენა მცველი.

2011 წელს ფეხბურთელმა მონაწილეობა მიიღო ინგლისის 16 და 17 წლამდელთა ნაკრების მატჩებში, სადაც 14 მატჩში ორი გოლის გატანა შეძლო. 2014 წლის 27 თებერვალს კი, მას დაურეკა ინგლისის ეროვნული ნაკრების მთავარმა მწვრთნელმა-როი ჰოჯსონმა და აცნობა მისი მსოფლიო ჩემპიონატის 23 კაციან განაცხადში მოხვედრის შესახებ. სამწუხაროდ 2014 წლის მუნდიალზე მან მხოლოდ 1 მატჩის ჩატარება შეძლო კოსტარიკის წინააღმდეგ. იმავე ზაფხულს ის 33,8 მილიონ ევროდ შეიძინა „მანჩესტერ იუნაიტედმა“ ვეტერანი პატრის ევრას შემცვლელად