"ნაპოლის" მთავარი მწვრთნელი, რაფაელ ბენიტესი ლუი ვან გაალისგან მარუან ფელაინის გაშვებას ელოდება.
ესპანელი მწვრთნელი არ მალავს, რომ იგი "იუნაიტედის" ბელგიელი ნახევარმცველის მიმართ ინტერესს იჩენს და იმედოვნებს, რომ მარუანი იქნება ერთ-ერთი ფეხბურთელი, რომელსაც ვან გაალი კარისკენ მიუთითებს.
"ფელაინი - "მანჩესტერ იუნაიტედის" ფეხბურთელია. ეს ჩვენზე არ არის დამოკიდებული, ეს მათზეა დამოკიდებული. ის დიდებული ფეხბურთელია, მაგრამ სხვა გუნდში თამაშობს. ვგონებ იგი ვან გაალის გადაწყვეტილებას ელოდება. ჩვენც მოგვიწევს ლოდინი." - განაცხადა ბენიტესმა.