ცნობილი ბრიტანული გამოცემის Daily Mail-ის მიერ გავრცელებული ინფორმაციის თანახმად, "ევერტონი" "მანჩესტერ იუნაიტედის" 24 წლის ნახევარმცველით, ტომი ქლევერლით ინტერესდება.
ინგლისელი ნახევარმცველი "წითლებს" 2009 წელს შეუერთდა, მას შემდეგ ქლევერლიმ "იუნაიტედის" მაისურით 78 მატჩი ჩაატარა. იგი კლუბში ერთ-ერთ ყველაზე სუსტ ფეხბურთელად ითვლება. მიუხედავად იმისა, რომ "რომას" წინააღმდეგ მატჩში ტომმა კლუბს უკაპიტნა, მისი მომავალი გუნდში მაინც ძალიან ბუნდოვანია.
"ევერტონის" მთავარი მწვრთნელი რობერტო მარტინესი "უიგანიდან" მოყოლებული, ქლევერლის ძალიან კარგად იცნობს და მზადაა ამერიკიდან დაბრუნების შემდეგ, ლუი ვან გაალთან ტრანსფერთან დაკავშირებით მოლაპარაკებები გამართოს.
მერსისაიდელები ტომი ქლევერლიში 8 მილიონი ფუნტის გადახდას აპირებენ.