"მანჩესტერ იუნაიტედის" მთავარმა მწვრთნელმა, ლუი ვან გაალმა მინიშნება გააკეთა, რომ მისი გუნდის კაპიტანი ახალ სეზონში უეინ რუნი იქნება.
დღეს დილით "წითელმა" ეშმაკებმა ამერიკული ტურნე დახურეს და International Champions Cup-ის გამარჯვებულებიც გახდნენ. ფინალში "იუნაიტედმა" "ლივერპულს" 3-1 სძლია.
სტივენ ჯერარდის მიერ ანგარიშის გამხსნელი 11 მეტრიანის გატანის შემდეგ, სწორედ რუნიმ ჩაუაყარა საფუძველი ქამბექს. ლუის სიტყვებით, სწორი იქნებოდა თუ "ინგლისური სტილის" მოთამაშე გახდებოდა კაპიტანი.
"ყოველთვის ვეძებ მოთამაშეებისთვის კაპიტნის სამკლაურის მიცემის შესაძლებლობას. დღეს რუნიმ პირველად ითამაშა 90 წუთის განმავლობაში. ფლეთჩერმა ეს უკვე ორჯერ გააკეთა და სწორედ ამიტომ იყო იგი კაპიტანი, ასევე ქლევერლიმ, რადგან მანაც 90 წუთი ითამაშა. ვფიქრობ, როცა ასეთი შესაძლებლობა გაქვს, ინგლისური სტილი უნდა აირჩიო."
"რუნიმ ტურნირის საუკეთესო ფეხბურთელის წოდება დაიმსახურა, მან ბევრი გოლი გაიტანა და საგოლე პასი გააკეთა. პირველ რიგში ამას უყურებენ. მაგრამ ასევე კარგად ვიცავდით თავს - აქ ბევრი მცველია, რომელთაც ტურნირის საუეკთესო მოთამაშედ გახდომა შეეძლებოდათ."