"ქუინზ პარკ რეინჯერსის" ახალწვეულმა, რიო ფერდინანდმა აღიარა, რომ "მანჩესტერ იუნაიტედში" ასპარეზობის პერიოდში მან "რეალისა" და "ბარსელონას" შეთავაზებაზე თქვა უარი.
მხოლოდ წელს გახდა ფერდინანდი არასაჭირო ფიგურა "წითელი ეშმაკებისთვის", რომელთაც ვეტერანთან კონტრაქტის გახანგრძლივება არ ინდომეს. აქამდე კი რამდენიმე წლის განმავლობაში რიო ინგლისური ფეხბურთის ერთ-ერთ საუკეთესო დაცვად ითვლებოდა.
35 წლის ფერდინანდის თქმით, მისით სხვა კლუბები რეგულარულად ინტერესდებოდნენ, მაგრამ იგი "იუნაიტედის" ერთგული დარჩა.
"მე ვესაუბრე "რომას" და ერთ დროს "ბარსელონასა" და "რეალის" ინტერესებიც არსებობდა. სანამ "მანჩესტერ იუნაიტედში" ვთამაშობდი, ჩემით სხვა კლუბებიც ინტერესდებოდნენ, მე კი "იუნაიტედთან" ერთად თასები მოვიგე. ამიტომაც არასდროს მიფიქრია სადმე წასვლაზე."
""მანჩესტერ იუნაიტედში" ვინმესთვის რომ გეთქვათ საზღვარგარეთ უნდა წახვიდეო, ძალიან დიდი ძალისხმევა დაგწირდებოდათ მის დასარწმუნებლად."
"გარეტ ბეილი რომ "მანჩესტერ იუნაიტედში" ყოფილიყო და თასები მოეგო, "რეალს" არ მიაშიურებდა. მე მხოლოდ გამარჯვება მსურდა და არა სადმე წასვლა." - განაცხადა ფერდინანდმა.