რამდენიმე საათში "მანჩესტერი" "ლივერპულია". მართალია, ეს ამხანაგურ მატჩად ითვლება, მაგრამ გულშემატკივარი მაინც ვერ უწოდებს მას ამხანაგურს. თითოეული მათგანისთვის ძალიან მნიშვნელოვანია ეს მატჩი, ეს მართლაც არ არის უბრალო დაპირისპირება და უბრალო "გახურება" "პრემიერ ლიგის" წინ. ეს "მანჩესტერი" "ლივერპულია".
ხუან მატა: "მიუხევადად იმისა, რომ დიდი ხანი არ არის რაც "იუნაიტედს" შევუერთდი, კარგად მესმის რას ნიშნავს თამაში "იუნაიტედი"-"ლივერპული". მაშინაც კი, როცა ესპანეთში ვიყავი ვიცოდი რას ნიშნავდა მათი მოცილეობა და კარგად მესმის ჩემი კლუბის. ეს ყველაზე დიდი დაპირისპირებაა ინგლისში, რომელიც უკვე წლებია არსებობს. სწორედ ამიტომაც, ვფიქრობ, რომ ეს მატჩი ვერ იქნება მხოლოდ ამხანაგური, ის განსაკუთრებულია იმიტომ რომ "იუნაიტედი"-"ლივერპულია". ეს მნიშვნელოვანი მხოლოდ ჩვენთვის კი არა გულშემატკივრისთვისაცაა. ვიცი რასაც ნიშნავს მათთვის ეს დაპირისპირება. რთული თამაში გველის, რადგან "ლივერპულს" კარგი გუნდი ჰყავს, მაგრამ ჩვენთვის უმნიშვნელოვანესია მათი დამარცხება და ამ ტურნირის მოგება. ვიმედოვნებ, რომ ასეც იქნება. ძალიან დიდი იმედი მაქვს, რომ მხარდაჭერა ისეთივე დაუჯერებელი იქნება და სტადიონზე უამრავი გულშემატკივარი იჯდება "იუნაიტედის" მაისურით."
ეშლი იანგი: "არ არსებობს იმაზე უკეთესი თამაში ვიდრე "მანჩესტერი"-"ლივერპულია" ტურნირის დასასრულებლად. ყველამ იცის რა ხდება ამ ორ კლუბს შორის და დარწმუნებული ვარ, რომ ყველა ფეხბურთელები, ხელმძღვანელობა თუ გულშემატკივრები სულმოთქმელად ელიან ამ მატჩს. ეს არ შეიძლება ჩაითვალოს უბრალო ამხანაგურ მატჩად, ეს "მანჩესტერი" - "ლივერპულია" და ჩვენ ერთი მიზანი გვაქვს, გავიდაეთ სტადიონზე მოვიგოთ თამაში და ტურნირი. ჩვენ "მანჩესტერ იუნაიტედი" ვართ და სწორედ ამიტომაც ყოველთვის ჩვენი მიზანი გამარჯვებაა."
დარენ ფლეტჩერი: "ეს "მანჩესტერი" - "ლივერპულია". არ აქვს მნიშვნელოვა იმას, რომ წინა-სასეზონო ტურნეა. ამ თამაშს თავისი დატვირთვა და თავისი მნიშვნელობა აქვს და ერთადერთი რაც გვსურს მოედანზე გასვლა და მოგებაა. იმედგამაცრუებელი სეზონი გვქონდა, სამარცხვინო ადგილზე დავამთავრეთ ჩემპიონატი, რასაც ვერ ვიტყვით "სიტის", "ჩელსისა" და "ლივერპულზე". გარდა ამისა ჩვენს იმედგაცრუებას დაემატა ისიც, რომ დაგვტოვეს გამოცდილმა ფეხბურთელებმა. თუმცა ჩვენ "მანჩესტერული" სული გვაქვს. ჩვენ ამ ყველაფერზე ვისაუბრეთ. იმედგაცრუების მიუხედავად, ჩვენ ყველაფერს გავაკეთებთ, არ დავნებდებით, ყველას საუკეთესო გვსურს "მანჩესტერისთვის" და გვსურს ყველას დავანახოთ რა შეგვიძლია. ვიმედოვნებ, რომ ეს შეგვიძლია. ერთად ამას შევძლებთ."
ჯონი ევანსი: "ჩვენ ვგრძნობთ, რომ გვჭირდება ეს გამარჯვება, ვგრძნობთ, რომ გვაქვს ერთი მიზანი და ამ მიზანს უნდა მივაღწიოთ. მწრთვნელმა ჩვენ რწმენა შეგვმატა. ეს დიდებული თამაში იქნება. ჩვენ მზადება "რეალთან" მატჩის დასრულებისთანავე დავიწყეთ. ჩვენ გვსურს მოგება და მენეჯერმაც სწორედ ამით დაიწყო მუშაობა ჩვენთან, მას სურს ყოველი თამაშის მოგება. ეს განსაკუთრებული თამაშია და გარდა იმ განსაკუთრებულობისა, ჩვენ გვინდა გამარჯვება ისევ ჩვევაში გადაგვეზარდოს და "ლივერპულთან" გამარჯვება იყოს ამ ჩვევის დამადასტურებელი."