შეხვედრა სერ ბობი ჩარლტონთან. ჩემი პირველი დღე იუნაიტედში.
ეს არის დღე, როცა მე მოვაწერე კონტრაქტს ხელი და ოფიციალურად გავხდი "მანჩესტერ იუნაიტედის" ფეხბურთელი. ჩემთვის ძალიან სასიამოვნო იყო სერ ბობი ჩარლტონის გაცნობა. მე უსაზღვროდ მადლობელი ვარ კლუბისაც და სერ ბობისაც იმის გამო, რომ პირველივე წუთებიდან მაგრძნობინეს, აქ ყველას ჩემი წარმატება სურს. ეს დაუვიწყარი დღე იყო. მოგონებები, რომელიც მთელი ცხოვრება დამამახსოვრდება.
ხუან მატა.
ხუანს მე დიდი ხანია ვიცნობ. ჩვენ მეგობრები ვართ ჩვენი პირველი გამოჩენიდან ესპანეთის ნაკრებში. იქ გავიცანი დავიდ დე ხეაც. ძალიან მიხარია, რომ ახალ კლუბში ბევრი კარგი ნაცნობი მყავს, რაც ძალიან დამეხმარა ახალ გუნდში ადაპტაციის გავლაში. მე ასევე ძალიან დიდი მადლობა მინდა გადავუხადო ჩემს პარტნიორებს იმისათვის, რომ ძალიან კარგად მიმიღეს და სურდათ, რომ პირველივე წუთებიდან თავი ისე მეგრძნო, როგორც საკუთარ სახლში.
"იუნაიტედის" გულშემატკივრებთან შეხვედრა ამერიკაში.
დახვედრა, რომელიც ჩვენ ამერიკელმა გულშემატკივრებმა მოგვიწყვეს დაუჯერებელი იყო. აქ მოსვლამდე ვერც კი წარმოვიდგენდი, რომ "მანჩესტერ იუნაიტედი" ამ დონეზე პოპულარულია. კლუბის სახელით ძალიან მინდა დიდი მადლობა გადავუხადო ჩვენ ყველა მომხრეს, რომელიც დადის სტადიონზე და მთელი თამაშის განმავლობაში ჩვენს გვერდზე დგას მთელი ტურნე. მადლობა !
პირველი მატჩი "იუნაიტედის" შემადგენლობაში.
სტადიონი ამ თამაშისთვის ბოლომდე გაივსო. შესანიშნავია, რომ ამხანაგურ მატჩზე 80 ათასი ადამიანი დაესწრო. ეს კიდევ ერთხელ გვანახებს რა დონეზე პოპულარულია ჩვენი კლუბი. მე ყოველთვის მემახსოვრება ეს დღე. არასდროს არ დამავიწყებდა როგორ გუგუნებდა მთელი სტადიონი: "Glory Glory Man United". დარწმუნებული ვარ, რომ ეს ჩემი უკანასკნელი წარმატებული მატჩი არ არის "იუნაიტედის" რიგებში.
გოლის აღნიშვნა უეინ რუნისთან ერთად "გალაქსის" წინააღმდეგ.
მე ძალიან მომწონს ეს ფოტო, სადაც ჩვენ ერთმანეთს ვეხვევით და ვიღიმით. ჩვენ უბრალოდ ვისიამოვნეთ ამ მატჩით. ვფიქრობ, რომ კარგად ვითამაშეთ და ლუი ვან გაალის ტაქტიკასაც ძალიან მალე შევეგუეთ. ძალიან დიდი იმედი მაქვს, რომ მთელი სეზონი ასეთი წარმატებული იქნება. ძალიან ბედნიერი ვარ, რადგან მაქვს უფლება ვითამაშო იმ კლუბში და წარვდგე იმ დონის ფეხბურთელთან ერთად, როგორშიც თამაშობს და როგორიცაა უეინ რუნი.