"მნაჩესტერ იუნაიტედის" ხელმძღვანელი, ლუი ვან გაალი არ გამორიცხავს, რომ მისმა კლუბმა ზაფხულის სატრანსფერო ფანჯრის დასრულებამდე არავითარი შენაძენი არ გააკეთოს.
ჰოლანდიელს არაერთხელ უთქვამს, რომ პირველ რიგში არსებული ფეხბურთელების შესწავლა სურს. ლუი არ აპირებს პანიკის ატეხვას, თუ კი შესყიდვების კუთხით, მხოლოდ შოუსა და ერერას დასჯერდება.
"მე უკვე ვთქვი, რომ თავდაპირველად იმ მოთამაშეების დაკვირვება მსურს, ვინც გუნდში მყავს. მინდა მათ ღირსეულად მივცე თავის გამოჩენის საშუალება. ჩვენ ჯერ კიდევ მთელი თვე გვაქვს წინ."
"ჩვენ ყველა შეხვედრას ვიგებთ. იქნებ სხვა შესყიდვები აღარც კი დაგვჭირდეს." - ციტირებს ვან გაალის სიტყვებს Manchester Evening News.