ინგლისის FA-მ ფეხბურთელებს ბუკმეკერულ კანტორებში ფსონების კეთების წესები კიდევ უფრო გაუმკაცრა.
მოცემული შეზღუდვა მანამდეც არსებობდა, მაგრამ ფეხბურთელს მხოლოდ იმ ტურნირზე და იმ მატჩებზე ეკრძალებოდა ფსონის დადება, რომელშიც მისი გუნდი გამოდიოდა.
აღსანიშნავია ისიც, რომ ამ წესს ყველა არ ემორჩილებოდა. პრემიერ-ლიგაში მონაწილე ფეხბურთელთაგან ზემოაღნიშნული ჯარიმა დენ გოსლინგმა და ანდროს ტაუნსენდმა მიიღეს.
ახალი აკრძალვა უფრო მკაცრი იქნება - ინგლისის ზედა რვა დივიზონის მოთამაშეებს ნებისმიერი ლიგის ნებისმიერ მატჩში აეკრძალებათ ფსონის დადება. "ეს მხოლოდ ჩაწყობილ თამაშებთან ჩვენი ბრძოლის ნაწილია. თამაშის სამართლიანობა ჩვენთვის უმნიშვნელოვანესია და სწორედ ეს ხდის ინგლისურ ფეხბურთს გამორჩეულს. მისი ნდობა აბსოლუტურად შეიძლება და ჩვენ ყველაფერს ვაკეთებთ, რომ ჩაწყობილი თამაშები ჩვენთან არ იყოს." - ნათქვამია FA-ს განცხადებაში.