მადრიდის "რეალის" მთავარმა მწვრთნელმა კარლო ანჩელოტიმ განაცხადა, რომ ლუი ვან გალს სერიოზული სამუშაოს ჩატარება მოუწევს "იუნაიტედში".
"ვან გალს გაუჭირდება პირველივე სეზონში "მანჩესტერთან" ერთად ტიტულის მოგება, იმიტომ რომ პრემიერ ლიგაში დიდი კონკურენციაა. არც ისე ადვილია მოარგო კლუბს შენი ტაქტიკა და ფეხბურთის ხედვა. ჯერ არავინ იცის ამაზე რამდენი დრო წავა."
"ვან გაალი - ძალიან კარგი და გამოცდილი მწვრთნელია. ვფიქრობ, ის ძალიან კარგად იმუშავებს "იუნაიტედში". მას უკვე აღარ სჭირდება რამის სწავლა. ახლა კლუბს დიდი ცვლილებები ელის, "წითელმა ეშმაკებმა" უკვე იყიდეს რამდენიმე კარგი ფეხბურთელი, მაგრამ ახალი კლუბის შექმნა არ არის მარტივი პროცესი",-განაცხადა ანჩელოტიმ.