ვან პერსი და ვან გაალი კარგი მეგობრები არიან და ხშირად იყვნენ შემჩნეულნი ჯერ კიდევ მაშინ, სანამ ვან გაალი "წითელი ეშმაკების" მთავარი მწვრთნელი გახდებოდა.
სქოულზი დარწმუნებულია, რომ მათი ურთიერთობა გადამწყვეტი ფაქტორი იქნება მომავალი კაპიტნის არჩევისას.
ლეგენდას არაერთხელ უთამაშია რუნისთან ერთად "ოლდ ტრაფორდზე" და თვლის, რომ ამ საქმეს სწორედ ის შეეფერება.
"ვფიქრობ ის (ვან გაალი) მას (კაპიტნობას) რობინ ვან პერსის მისცემს."
"მას ჰოლანდიის ნაკრებში დიდი გამოცდილება აქვს მასთან ერთად. ის მას იცნობს, იცნობს როგორც ფეხბურთელს, მაგრამ პირადად მე რუნის მხარეს ვიხრები."
"ის ყოველთვის მიმაჩნდა ისეთ პიროვნებად, ვისაც კაპიტნობა ეკუთვნის და ახლა სწორედ ის დროა, როცა მას სამკლაური უნდა მისცენ."
"და იგივე ეხება ინგლისის ნაკრებსაც. მასზე უკეთესი კანდიდატი არ არსებობს."
"თუ "მანჩესტერ სიტის" შეხედავთ, კომპანის იღებს პასუხისმგებლობას."
"შეხედეთ "ჩელსის" და იქ პასუხისმგებლობა ჯონ ტერის აკისრია. შეხედეთ "ლივერპულს" და იქ სტივენ ჯერარდს აკისრია. არ არსებობს უფრო ნათელი კანდიდატი არც "მანჩესტერ იუნაიტედისთვის" და არც ინგლისის ნაკრებისთვის."
"გამიხარდებოდა რუნის ამ როლში ხილვა. ვფიქრობ ის ნაკრებში მიიღებს კაპიტნობას, მაგრამ ვან გაალი სამკლაურს რობინს გადასცემს."