"ცოტა ხნის წინ ლუი განაცხადა, რომ მის განკარგულებაში დაუბალანსებელი გუნდია და ამას უნდა დავეთანხმოთ. "იუნაიტედში" ბევრი ათიანია - ხუან მატა, უეინ რუნი, შინჯი კაგავა, ადნან იანუზაი. ანდერ ერერაც კი უფრო მეტად ერგება ამ როლს, ვიდრე ცენტრალური ნახევარმცველის პოზიციას. ტომ ქლევერლიც ასევე მეტად ორიენტირებულია შეტევაზე, ვიდრე დაცვაზე."
"ფილ ჯონსი, ჯონი ევანსი და კრის სმოლინგი კლუბის ძირითად ცენტრალურ მცველებად გვესახება. ლუი ასევემ განაცხადა, რომ მას მაიკლ კინისა და ტაილერ ბლეკეტის თამაში ხიბლავს. მაგრამ კლუბი დაცვის გაძლიერებას ეცდება. თუ ჩემ მიერ ჩამოთვლილ ფეხბურთელთა პირველ სამეულს შეხედავთ, გაგახსენდებათ, რომ ისინი ხშირად ხდებიან ტრავმის მსვეპრლნი და საეჭვოა, რომ ისეთივე ქვაკუთხედად იქცნენ, როგორც ვიდა, რიო და პატრისი იყვნენ."
"პატრის ევრას ადგილზე ლუკ შოუ მოვიდა, ჯერ კიდევ სულ ახალგაზრდა ფეხბურთელი, ვისზეც სატრანსფერო ფასმა შესაძლოა ძლიერი გავლენა მოახდინოს. ძალიან ვწუხვარ, რომ პატრისმა კლუბი დატოვა, მაგრამ მისი გაგება შეიძლება, მას ხომ რეგულარული სათამაშო დრო სჭირდება."
"ვფიქრობ ლუი ვან გაალმა პირველივე დღიდან ფეხბურთელებთან მუშაობის სწორი გზა აირჩია. მაგალითად ლუკის შემთხვევაში მას პირდაპირ უთხრა, რომ არ იყო კმაყოფილი მისი ფიზიკური ფორმით. მოთამაშეებისთვის უმჯობესია ასეთის მოსმენა, ვიდრე სხვადასხვა ვარიანტების გარჩევა. შენ ყოველთვის ფიქრობ: "სწორად ვაკეთებ ყველაფერს? კმაყოფილია მწვრთნელი ჩემი მუშაობით?" ლუი ვან გალის შემთხვევაში მის ქვეშევრდომებს ყოველთვის ეცოდინებათ რას ფიქრობს მათზე მწვრთნელი."